Popular Bible Verses from 2 Corint 1

Share

Knimsa'nctz tbi Dios aju Tman Kajaw Jesucrist, atzunte Mambajju cucx in k'ak'an tc'u'j ki'j, ex atzunte Diosju cucx in tk'ukba'n kc'u'j. In tk'ukba'n Dios kc'u'j tuj tcyakil yajbil ke, tu'ntzun tbant kk'ukbante cyc'u'j keju in che yajlanjtz, ic tza'n ke ma k'ukbanjtz kc'u'j tu'n Dios.

Porque ic tza'n nim in ko yajlanjtz tu'n tlaj ocslal ko' ti'j Crist, ax icxtzun nim in k'ukbanjtz kc'u'j tu'nx Crist.

Ex o kna'ye mer ic tza'n otok cub ksentense tu'n kcyime. Pero tzaj ju yajbil lu ki'je tu'n mi'n toc ke' kc'u'je ki'jxe, nok o'cx tu'n toc ke' kc'u'je ti'j Dios aju in che jaw ank'in cyimni tu'n.

Axte Dios in cyuwsante ke tu'nju ocslal ko' ti'j Crist, ex ax ma tzaj k'onte koclen. Ex ax Dios ma tz'oc k'onte sey ki'j, ex ma tzaj tk'o'n ju Xewbaj Xjan tuj kanmi, atzun jun señ jlu tu'n ttzaj tk'o'n mastl ke.

Cyja'tzun, ka ma ko yajlanjtze, at tajben jlu tu'n tk'ukbanjtz cyc'u'je ex tu'n cyclete; ex ka ma k'ukbanjtz kc'u'je tu'n Dios, ax icx at tajben jlu tu'n tk'ukbanjtz cyc'u'je; cyja'tzun in k'ukbanjtzxix cyc'u'je tu'n tic'x cyu'ne ic tza'nx keye nnic'x ku'ne.