Popular Bible Verses from 2 Co 7

Share

Roma toq kan rurayibel-wi ri Dios ri bis, ri bis ri' kan nuben chire xabachike wineq chi nitzolin-pe ruk'u'x, y rik'in ri' nikolotej. Y ri xtibanon keri' man jun bey k'a xtutzolij-ri' chirij roma ruyon utz ri nuk'en-pe chire. Jak'a ri bis ri k'o kik'in ri winaqi' ri k'a kikuquban na kik'u'x rik'in re ruwach'ulew, xa kamik k'a ri nuk'en-pe chike.

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Wakami kan yikikot chik, jak'a man roma ta ri xixinya' pa bis. Yikikot roma ri bis xuben chiwe chi xtzolin-pe ik'u'x. Kan rurayibel wi k'a ri Dios chi xixk'oje' pa bis, roma wi xa man ta keri', man ta xtzolin-pe ik'u'x. Roj kan man jun k'a ch'a'oj xqaben chiwe.