Popular Bible Verses from Ap 8

Share

Mane'e ca'li joñe'me 'Naĝanaĝate Lec'oĝot 'yolaĝachigui jaga'me siete jogaa'me 'nanaĝanaqate jo'ne p'ategue 'me netalegue joga'me nenañejec, qama'le ua'a da'me cha'li tochiñe di'me piyem, chayovida'a da'me yenoĝonegue ga'me media hora.

'Uo ñe'me piyem le'ec jo'ne 'uaechiñe da'me dajedaĝan, qama'le jauana jajo'me loñi jo'ne ena'am ta'le qa' da'me qoyecodelegue jena'me aleua, choqoga'me dole' jo'ne yeleguet jaga'me netauo'. Qama'le gaa'me lael jena'me aleua jo'ne tres, 'uo ga'me onolec jo'ne yavic, nach'e ena'am jogaa'me ep'a uo'oe gaa'me yavi'j, nataq'aen yema jena'me nolelaĝa jo'ne dadala 'me uetalegue jena'me aleua.

Mane'e ca'li yem da'me dojo', qama'le jelojeguem, qama'le jomachiya ga'me uole jo'ne uayotac, quetañgui laeñi di'me piyem, qama'le enaac da'me netenec da'me 'laqatac: “¡Degueja qomle da'me lachoĝode'j joga'me jiyaĝadipi jo'ne netedalegue jena'me aleua, da'me qom male dejedaĝa'n nayi jogaa'me piyem laje' laqaya' jo'ne tres!”

Joñe'me piyem le'ec laqaya jo'ne dajoyalegue ñe'me jo'ne 'uaechiñe, nach'e ena'am yajediye jaga'me lajeede, qama'le qoyajaĝañgui ga'me noĝop let'adaic ga'me jo'ne ena'am ta'le qajoĝonaĝa let'adaic jo'ne edetañgui. Qama'le gaa'me lael jena'me noĝop let'adaic 'uo ga'me onolec jo'ne neleguemaĝata jaga'me netauo'.

Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem. Jaga'me uaqachiñi lenaĝat da'me Chem, qama'le ga'me noĝop jo'ne tañgui male qoyen chem, qama'le jalcote ga'me jiyaĝadipi jo'ne yeletem.

Ñe'me piyem le'ec laqaya jo'ne dajoyalo'te ñaa'me tres piyem laje' yajediye jaga'me mach'e lajeede, qama'le naa'me tres lael jañe'me ajeua 'uo ga'me onolec jo'ne qoyolaĝachigui, nataq'aen ñe'me auoĝoic nach'e ena'am qoyolaĝachigui na'me lae, qama'le nach'e ena'am naa'me uaqachiñil jo'ne tres naa'me ua'ñalo 'uo da'me onolec jo'ne qoyalaĝachigui, qaedi 'uo da'me 'lalaĝa. Qama'le naa'me tres jo'ne lael na'me nolo', 'uo ga'me onolec lae jo'ne 'naltapiye, nataq'aen jena'me pi'yaq 'uo ga'me lae jo'ne om ñe'me auoĝoic choqonaa'me uaqachiñil.