Popular Bible Verses from Ap 6

Share

Qama'le jauana ga'me pegaq laqaya jo'ne yoqoviyat da'me 'loyaĝac, nataq'aen jo'me netalegue jo'ne lenaĝat da'me «Neleuaĝa.» Jo'me chiyoĝogue nach'e ena'am jauana jo'me laqaya jo'ne equegue, 'me lenaĝat da'me «Napa'lpi Necoñetaĝaiqui'», qama'le nach'ejoua jo'ne qoyanema da'me lañoqotaĝanaĝa'j qaedi yala't ga'me onolec gaa'me cuatro jiyaĝa'u jo'ne uetedalegue jena'me aleua, qama'le yauote ga'me nalada't qaedi dalataĝa'tape, nataq'aen dalataĝatec da'me noqouaĝa choqogaa'me napite'nadi nataq'aen gaa'me yejidi jo'ne diquiya'ape.

Qama'le jauana ga'me pegaq jo'ne pagaĝaic, nach'e ena'am jo'me netalegue jo'ne lajoqot'a jo'me lechiquenec. Qoyanem jajo'me noqop'a jo'ne oro da'me joote domataĝatac, qama'le ec qaedi yitaĝa domataĝan.

Mane'e ca'li ñe'me 'Naĝanaĝate Lec'oĝot naqat jajo'me quinto 'nanaĝanaqate, qama'le jauanalo dia'me uetedo'ot ga'me p'añe ga'me nec'atoĝonaĝala', jodia'me jo'ne joote qoyala't ca'li, yajouaĝat da'me ja yaĝadiñi da'me 'yaĝatetedac joñe'me Dios.

Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?” Qama'le yema jogaa'me qoyanema jaa'me nouo jo'ne pagaĝayaqa, qama'le qo'enapegalo da'me maliaĝa cada'ac da'me 'nomatedegue, chayovida'a qom male nalo'ta't jogaa'me laqaya'olqa jo'ne nach'e ena'am t'onataĝatedape'uo joñe'me Dios, qama'le nach'e ena'am da'me qoyaje'tema da'me qoyala't jo' qom'te.

Qama'le yitaĝa nenoĝonegue ga'me pegaq laqaya jo'ne tomaqalegue da'me 'loyaĝac nataq'aen jo'me netalegue jo'ne qoyanem da'me lañoqotaĝanaĝac qaedi yapalaĝat da'me 'lemaĝac jena'me aleua, nataq'aen 'uo da'me 'yeteque joga'me jiyaĝadipi qaedi mach'e nalatapega't, qama'le nach'e ena'am qoyanem ga'me nedaĝanaĝat let'adaic.

Qa'a male novita nayi da'me laloqo' da'me le'uaĝanaĝanaĝa'j let'adaic, qama'le ¿jach'e ga'me yaqanatet ta'le 'nañaĝatela't qaedi ja nimichiñe?”

Mane'e ca'li yem da'me dojo' qama'le jauana joñe'me 'Naĝanaĝate Lec'oĝot da'me naqat jajo'me sexto 'nanaĝanaqate, qama'le 'uo jo'me ne'uaĝa let'adaic. Jañe'me ajeua neleguemaĝata da'me ledaĝai, yataqata 'naltapiye, nataq'aen ñe'me auoĝoic neleguemaĝata da'me tomaĝadaic, ena'am ta'le netauo' da'me 'loyaĝac. Qama'le jaa'me uaqachiñil nach'e ena'am 'naqadiñe, chiyoqodapegue di'me piyem da'me ta'ña jena'me aleua, ena'am da'me qom 'naqañe jajo'me jala jo'ne maliaĝa dadala jaga'me higo lichidic qom nechiyoĝoñe ga'me layat jo'ne vichaĝaguet.

Mane'e ca'li yitaĝa qonaqat jaga'me 'nanaĝanaqate laqaya, qama'le yitaĝa jomachiya ñe'me jiyac laqaya jo'ne p'ayalegue joñe'me jo'ne 'uaechiñe jogaa'me yejidi, jo'ne eetac: “¡Oc nayi!” Qama'le yitaĝa jauana jo'me pegaq laqaya jo'ne ledaĝaic da'me 'loyaĝac, nataq'aen jo'me netalegue jo'ne lajoqot'a jajo'me napogoqotaĝanaĝaiqui. Qama'le jomachiya jo'me 'naqatac jo'ne chimaqapiñgui jo'me laeñi jogaa'me yejidi, jo'ne eetac: “Da'me nejetenaguec ga'me onataĝanaĝaic, auen qomle da'me lajo'vi ena'am ga'me onolec kilo ga'me trigo lojoche, uotaĝa tres gaa'me kilos ga'me cebada lojoche. Qalaĝaja ena'te auen ne'uela't ga'me aceite uotaĝa ga'me uva li'i.”

Di'me piyem male ja di'yoq, ena'am ta'le nede lae qom nenatague, qama'le yemeda gaa'me qajoĝonaĝadi' choqogaa'me nepel nach'e ena'am da'me ca'ae naa'me 'lachaqa'te. Qama'le nañoĝochidiñe jogaa'me nejaliaĝanaqa jena'me aleua nataq'aen gaa'me nejaliaĝanaqa jena'me coicopi choqogaa'me neuoyaĝadi, nach'e ena'ama gaa'me ñoqotaĝanaĝayaqa nataq'aen ena'uac jogaa'me namaĝa'spi, nach'e ena'ama jogaa'me jiyaĝa'u jo'ne ja namaĝa'spi: yapinouelo gaa'me jauaco nataq'aen ne'toto gaa'me qadi jo'ne jalco'l.