Popular Bible Verses from Ap 5

Share

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

qama'le nete'tape da'me yo'o'n da'me dojo': “¡Joñe'me 'Naĝanaĝate Lec'oĝot jo'ne qoyalat Nach'eñe jo'ne tachigui da'me yataqata qo'nonaĝachigui Jouaĝat da'me 'uo da'me lañoqotaĝanaĝac let'adaic Choqoda'me neuoyaĝac choqoda'me nayatenaĝanaĝac Choqoda'me qaya'te yaqalaatac choqoda'me 'lonaĝac! ¡'Noota qom jalcote da'me qo'nonaĝachigui joñe'me!”

Qama'le aue'n lec'oqo'tepi joñe'me Qanedios jogaa'me, Nataq'aen da'me aue'n letaĝayaĝanaĝanaqa ga'me jiyaĝadipi Da'me dajotedalegue joñe'me Qanedios, Qama'le nejaliaĝatedelegue jena'me aleua.”

Qama'le nach'e ena'am jomachilegue da'me ena'uac jogaa'me uo'oe jo'ne ueteda'ague jodi'me piyem nataq'aen jogaa'me uetedalegue jena'me aleua, qama'le nach'e ena'am jogaa'me uetedaue di'me p'añe jenjo' aleua nataq'aen jogaa'me uetañguilo gaa'me qa'mi lat'edail, naq'aeta da'me 'yotedac: “¡'Noota qom qo'nonaĝachigui joñe'me jo'ne netañgui jañe'me je'onaĝaiqui Choqoñe'me 'Naĝanaĝate Lec'oĝot, Jouaĝat da'me 'uo da'me li'yoĝodenataĝanaĝa'j nataq'aen da'me 'lonaĝac Choqoda'me lañoqotaĝanaĝac let'adaic!”

Qalaĝaja 'uo ga'me onolec jogaa'me 'yaĝaicachidi 'me jayem dojapegue', enaac: “Ena'te yitaĝa anoyetac, qa'a ñe'me Jauaĝaic jo'ne chiyaqaue gaa'me lec'oqo'tepi ñe'me Judá, joñe'me jo'ne lolelaĝaic ñe'me David, nach'eñe jo'ne domataĝan qama'le yeloteguet qoyen da'me naqa't gaa'me siete 'nanaĝanaqate lidi'ñe qaedi 'youachigui ga'me nenañejec.”