Popular Bible Verses from 1 Co 15

Share

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Qalaĝaja, ¡janemaĝam qadamaic ñe'me Dios, qa'a ñe'me qo'mi yanema da'me qadomataĝanaĝac, chiyaqayi ga'me jo'ne 'lonatac ca'li ñe'me mach'e Qadejaliaĝanec Jesucristo!

Ena'te anoqoviñela't: ñe'me jo'ne ya'uo da'me ja no'en 'naĝat ga'me laqaya jo'ne jetaque ya'uo da'me 'noota.

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

«¡Male qodoĝotaĝanec da'me lomataĝanaĝac joda'me neleuaĝa nataq'aen da'me lequemaqataĝanaĝac!» Da'me neleuaĝa lequemaqataĝanaĝac nach'edaua qadoeco, nataq'aen naa'me qadoeco 'uo da'me lañoqotaĝanaĝaco qaedi qo'mi yauequeteda'ague da'me qadeleuaĝa jo'ne chiyaqayilo gaa'me namaĝajoĝonaĝaco jo'ne Moisés yedidiñe ca'li.

'Uo ga'me ami jechoĝotema, ga'me jo'ne ja qoyaloĝon ca'li: qom novi' ga'me loiquiaqa'yaĝac jena'me aleua, da'me qo'mi ja yema da'me qadeleu, qalaĝaja ena'uaque qo'mi 'uo ga'me qo'mi qoneleguemaĝadeta jo'ne dalaĝaic. Dojo' 'uo yataqachiñe nepelaĝat qomle, ena'am ta'le qanaqategoĝoñi qom qodomachiya jaga'me najeede jo'ne p'ategue. Qa'a qom yejam jaga'me najeede qama'le dia'me joote yele'u male qo'niyelaĝachidijeguem, nataq'aen male ja yitaĝa yele'u, nataq'aen qo'mi queda'me maliaĝa qadec'aletaye male qo'mi qoyeleguemaĝa't qomle.

Mate mane'e ena'uaque ga'me jiyaĝadipi yele'u qa'a jouaĝat ga'me 'lonatac joca'li di'me 'uaeñe jiyaĝaua, nach'e naq'aeta ena'uaque qo'niyelaĝachidijeguem jouaĝat ga'me 'lonatac ga'me onolec jiyaĝaua laqaya: qa'a ena'uaque yele'u queda'me ena'uaque c'oqo'te di'me Adán, qama'le nach'e naq'aeta ena'uaque yitaĝa nec'aledegue qa'a chiyoĝoteguet ñe'me Cristo.

Qa'a youetaque ta'le qoyeleguemaĝat da'me qanejiyaĝauayaĝac 'loyaĝac jo'ne yovita da'me nouayi qomle, qoyeleguemaĝata da'me ja 'naidena'a; da'me qanejiyaĝauayaĝac 'loyaĝac jo'ne yeleu qomle, youetaque da'me qoyeleguemaĝata da'me male ja yitaĝa yeleu.

Qa'a youetaque queda'me Cristo cha'li nejaliaĝatelegue ena'uac chayovida'a qom Dios yapiaĝalo'te ena'uaque gaa'me qadaute'upi ñe'me Cristo. Nataq'aen ñe'me p'ategue qadauteua jo'ne qoyapalaĝat qomle nach'eda da'me neleuaĝa.