Popular Bible Verses from OMAYELETUMBULO 13

Share

Kala nokweenda novanongo, opo nee naave yo u ninge omunongo. Ndelenee ou ha endafana novashima, ota ka laipala.

Ou ta lungamene okanya kaye, ota amene okukalamwenyo kwaye. Ou ta makula unene omilungu daye, ota i mehanauno.

Ou e nonghenda noshitetati, ye ha tondo omona waye. Ndelenee ou e mu hole, ote mu hanyene.

Okuteelela efimbo lile taku kulaukifa omwenyo. Ndelenee eteelelo la wanifwa olo omuti womwenyo.

Ouyuki tau amene ou ha ende ehe noshipo. Ndelenee ouhenakalunga tau pundukifa omulunde.

Oinima ya likolwa noupu tai ninipala, ndelenee ou ta diinine mokwoongela kanini nakanini, ota ka weda ko alushe.

Elinenepeko tali eta eemhata. Ndelenee pwaava hava tambula omapukululo, ope nounongo.

Omulumenhu muwa ta fyuululifile ovatekulu vaye, ndelenee emona lovalunde tali tuvikililwa ovayuki.

Omona omunandunge ta pwilikine outekuduliko waxe, ndelenee omusheki iha udu ko ekumaido.

Oluhepo nohoni oyo oshipewa shaau ta ekeleshi outekuduliko. Ndelenee ou ta udu ekumaido, ota ka fimanekwa.