Popular Bible Verses from OMAYELETUMBULO 11

Share

Omwenyo ou tau nangeke noupuna, otau ka kutifwa, nomuhekeleki wovakwao ota hekelekwa yo ye mwene.

Onakuyandja ta wedelwa ko shihapu, ndelenee ou ta luvapala, ota hepa.

Apa tape uya ounhwa, otape uya yo okufifa ohoni, ndelenee ounongo tau kala pwaava ve lininipika.

Apa pehe nepukululo, oshiwana tashi xutuka, ndelenee ovapukululi vahapu otava eta exupifo.

Oshiimati shomuyuki osho omuti womwenyo, ndele ou ta likola eemwenyo oye omunongo.

Ou ta endaenda nomalundilo, ota holola oshiholekwa, ndelenee ou e nomhepo i shii kulineekelwa, ota tuvikile oshinima.

Omulumenhu onakufilonghenda ota kongele omwenyo waye ouwa: ndelenee ou ehe nonghenda, ta twala ombelela yaye mwene momupya.

Ou te lineekele oupuna waye, ota ka punduka. Ndelenee ovayuki tava ka hapa ngaashi ohapo.

Emona itali kwafa sha mefiku loupyuhandu, ndelenee ouyuki tau xupifa mo mefyo.

Ovayuki tava endifwa kouhenashipo wavo, ndelenee ovaliteeki tava hanaunwa po koipupulu yavo.

Omukainhu muwa ehe neendunge, e li ngaashi olinga yoshingoldo meyulu loshingulu.

Oshiyelekifo inashi yuka osho oixuna koshipala shOmwene, ndelenee okuyeleka kwa wana Ye e ku hokwa.