Popular Bible Verses from Matie 18

Share

Ke ngwel wɛ, mboo yi ebvɔɔn baal buaal wuo atyel me nkuũ a mɛ̃, mɛ̃ ndi onse bɔ.»

Taa-taa bam, mɛ̃ bvool eyɛɛn byɛ wɛn, okɛɛn baal buaal onse byɛ abvool ãtsam me nsie me ndɔɔ yi asɔɔ eluɔ k'emã, Tal a mɛ̃ wa ke ywel àwa bɔ kyɛ.

Yeso oti muaan wu ɔ̃tsi-tsiri ngɔmɔ̃ mbel, bu asuul ndɛ kal-a-kal a bɔ. Ndɛ bu alieel ndiri: «Taa-taa bam, mɛ̃ eyɛɛn byɛ wɛn, okɛɛn byɛ k'eswɛɛl epfuũ me ndɔɔ yi ekal onge baan b'atsi-atsi wɛ, byɛ k'ekoo k'esam onse Okwɛn o ywel wɛ.

Obɔ otsɛn bɛn, mbuul wu àkuaal nzuru onge muaan wu ɔ̃tsi-tsiri wu, àkal wu onduru bakyɛ onse Okwɛn o ywel.

Okɛɛn mbuul oyɔɔ muaan wu ɔ̃tsi-tsiri wɛn onge wu me nkuũ a mɛ̃, ŋ'ayɔɔ myam.

Taa-taa bam, mɛ̃ eyɛɛn byɛ wɛn, ndɔɔ yueel yi èkuru byɛ me nsie, àkuru yɔ hɛ̃ ke ywel. Ndɔɔ yueel yi ènyiɔɔn byɛ me nsie, ànyiɔɔn yɔ hɛ̃ ke ywel.

Okyɛ emfa ki ekieel esa Tal a mɛ̃ wa ke ywel byɛ, okɛɛn ngɔmɔ̃ ngɔmɔ̃ onse byɛ k'adzeel muaan-ngoo a ndɛ m'ɔ̃kwal ngɔmɔ̃ wɛ.»

Kɛn okɛɛn mbuul osi kwɛn ngɔmɔ̃ onse ebebaan bvi ekiool mɛ̃ bvi ebva onse obi, onsoo akuru ndɛ nkɔɔn yi enɛn me nkii, atyal ndɛ ke nsɛn ãdza.

Byɛ etsam omã? Okɛɛn mbuul oli y'emɛmɛɛ̃ ɔ̃nkam (100), emɛmɛɛ̃ ngemɔ̃ edziɔɔn, ndɛ olɔ k'asiil emɛmɛɛ̃ ɛ̃kuun-bva ye bva (99) bvi esiil nkal a nkio, me ndɔɔ yi ayebii ngemɔ̃ ki edziɔɔn okyɛ wɛ?