Popular Bible Verses from Namba 23

Share

God i no olsem man, we i save giaman, hem i no olsem yumi, we yumi save jenisim tok blong yumi. Sipos hem i promes blong mekem wan samting, be bambae hem i mas mekem. Sipos hem i talem tok blong hem, be wantaem nomo, tok ya i mas kamtru.

I no gat man i save wokem posen long olgeta ya, mo i no gat kleva we paoa blong hem i save spolem olgeta. Naoia i taem blong ol man oli tokbaot olgeta se, ‘!Yufala i kam luk! !Hemia i wok blong God ya!’

Hem i talem long mi blong mi blesem ol laen* blong Isrel* ya, mo taem hem i blesem olgeta, mi mi no save blokem tok blong hem. Ol samting we bambae i kasem olgeta, mi mi luk finis. Bambae oli no save kasem badlak, mo trabol i no save kasem olgeta. Hae God i God blong olgeta, mo oltaem hem i stap wetem olgeta. Oltaem olgeta oli stap talemaot we hem i King blong olgeta.