Popular Bible Verses from Namba 22

Share

Nao Hae God i letem dongki ya i toktok olsem man, nao i talem long Balam se, “?Mi mi mekem wanem samting long yu? Tri taem finis yu yu wipim mi. ?From wanem yu spolem mi olsem?”

Nao Hae God i letem Balam i luk enjel ya we i stap stanap long ples ya, i holem naef blong faet blong hem. Nao Balam i nildaon, i bodaon we fes blong hem i godaon, i kasem graon.

Nao enjel ya i talem se, “!Balam! !Tri taem nao yu yu wipim dongki ya blong yu! ?From wanem yu stap mekem olsem? Mi mi kam blong blokem rod blong yu, from we yu mekem i nogud, yu hareap tumas blong kam.

Be dongki i talem se, “!Yu luk! !Mi mi dongki blong yu nomo! !Taem yu yu wokbaot, oltaem nomo mi nao mi stap karem yu! ?Be yu save tingbaot we mi mekem olsem long yu samtaem?” Nao Balam i talem se, “No. I no gat.”

Mo Balam i talem se, “!From we yu stap mekem long mi olsem we mi mi krangke! Sipos mi holem naef blong faet blong mi, naoia nomo bambae mi kilim yu yu ded.”

Mo taem dongki i luk enjel ya bakegen, hem i ledaon long bel blong hem. Nao Balam i kros gud long dongki ya, i gohed, i wipim hem long wokingstik blong hem.