Popular Bible Verses from KHABÊNG 6

Share

tema mihnyãn pa hôan lakma hahtokkhoh ko lâmôang thîentek ngãma chhih thônghûn wah. Ngãle tema hûngnâng nyahrãng chhih thônghûn wah.

TESO ma hahtokkhoh wah mihnyãn nyũchha heh moatlem chhih pa ajahthêm chhihmo lahma khê phûmma, ngãle thin hûng nâng rôantang achhih lôlôjû thonghûn lahma khê phûmma

Rohkomĩn TESO Noah demnâng asen dâng wah.

Are heh Noah ngĩnkõng. Tenâng dela chha wãrem dâng wah, Shem, Ham, ngãle Japheth dâng wah. Noah nâng achhih chenni jô ahõ dâng wah, ngãle ate sanpoat ko ate lôlôbã mihnyãn sen dâng wah. Te a Joban demnâng arôam ma sông wah.

ngãle tema ngatwah, “Ngãma hôantek mihnyãn heh Ngãma mahsiet rẽ ang, ngãle ngem angah, kupchhãng phãnphe ngãle rangkho wah wõ hehmĩn, chenrãng hôantek a ngãma chhih thonghûn ekãng.”

Chenthû mihnyãn nyũchha hahtokkhoh ko jat ajâ phûmma, ngãle dihiak chha heh chha rê phûmma, rangkhhethung wah hehma wanwantheh ma are dihiak nyũ heh phãngsen khêwah, ephûmma thinma chenko hûn ekah a epa kepwah. Ediko TESO ma ngatwah, “Ngãma mihnyãn heh rôantang rôanjêng rãng lahin thuk min; chenrãngma ngãko thin a hẽ angem mihnyãn. Ade phûmma thin a châtheh roaknîî rangpâ nôma ajah lahin tû min.” Ere sanpoat ko, ngãle edikomĩn, hahtokkhoh wah mihnyãn dihiak nyũ ngãle rangkhhethung wah mihnyãn heh chhũ achha phoangdong jat heh dâng wah. Thin a khhama nâng nyahrãng ahãng lõchãn ngãle dong alõ dâng wah.

Joban ma chentô chîentah heh Noah ma moat wah.

Ngãle Joban ma Noah nâng ngatwah, “Ngãma mihnyãn nyũchha phangtang thhôansiet rãng thẽm ekãng. Ngãma thin phangtang ritphe ang, chenrãngma ngãko hahtokkhoh phangtang buh awat mîn lãnlãn dang ekah.

Nangrãng ma Gofar bãng wah khhôankho hôan oh. Khhôankho ko mâmâ kûnnoak hôan oh, ngãle epa akhoh akhhen phangtang tiennyek ma doap hut oh.

Ngãle Joban ma hahtokkhoh ko sû lahma epa chhihkhê wah, chenrãngma ngãko mihnyãn heh phangtang ma moatlem chhih mo lahma tutã khêwah.

Thin a ahîn ma dângrãngma nang demko khhôankho ko chentô ngem angah ngãle wõ hehwah anyũ alã sietwên oh.