Popular Bible Verses from MARK 4

Share

Tetiya Tar uthi kene hava ke gali dise, aru samundor ke koise, “Shanti! Chup hobi!” Aru hava tu rukhi jaise, aru shanti hoi jaise. Tar he taikhan ke koise, “Tumikhan kile iman bhoi kori ase? Tumikhan etiya bhi biswas nai ne ki?”

Aru taikhan besi bhoi lagise, aru ekjon he ekjon ke koise, “Tene hole hava aru tofan pora bhi Tar laga kotha manibole, eitu kon ase?”

Kintu Jisu tu nao bhitor te, manuh boha charpai norom bostu pichai kene bona ekta te ghumai thakise. Aru chella khan pora Tar ke uthai kene koise, “Guru, amikhan moribole he hoise eitu apuni tu chinta nakori ne ki?”

Aru Tar he taikhan ke koise, “Tumikhan pora ki huni ase eitu karne hushier kori lobi: tumikhan pora ki nap dise eitu he tumikhan karne bhi napi dibo, aru eitu pora arubhi besi dibo.

Aru Tar he koise, “Isor laga rajyo tu ekjon bijon hisa manuh pora maati te bijon hisai diya nisna. Tar raati te ghumabo aru din te uthibo aru bijon tu najani kene uthi thaka nisna ase.

Jodi konuba he hunibole kan ase tar he huni lobi.”