Popular Bible Verses from Luka 3

Share

Abantu boona nibaali bakubatizibwa, nʼoYesu yeena nʼabatizibwa. Niyaali nacasaba, eiguru ni rikingulwa. NʼoMwoyo Akwera eyaali omu kisani kya nkaiba, nʼamugwaku. Eiraka ni rizwa omwiguru ni rikoba; “Oli Mwana wange, gwenyendya era ogwensemereerwa.”

OYokaana nʼabairamu boona boona, “Nje nkubabatiza nʼamaizi, baitu akunkirisya amaani aliiza era tinsemeire na kusandabula bukobba bwa nkaito zaamwe. Ye alibabatiza nʼoMwoyo Akwera nʼomuuro.

Mwerenge ebyana ebiranga okwenenya. Era mulekere awo okwewaisya nti ‘Tulina aize waiswe oIbbulaimu.’ Kambakobere, oKanca ayinza okukoora oIbbulaimu abaana okuliga omu mabbaale gani.

Mumanye nti muli nkʼemisaale; ati empasa etairwe oku kitina kya buli gumwei. Olwʼekyo ogwo oguteera byana bisai gukwiza kutemebwa, era gunagibwe omu muuro.”

Ka nikyawandiikiibwe omu kitabo kya Isaaya omulangi: “Aliwo akwamiira omwirungu, ‘Musaayiirye omuwanda gwa Mukama, mugolole emiwanda gyamwe. Buli kiinamo mukiigaare, ensozi nʼobusozi mubiseeteekeerye. Enzira ezeegodere zigololwe, eziwabiina nʼebiguunguuli zisairibwe. Abantu boona boona balibona okucungurwa kwa Kanca.’”