Popular Bible Verses from San Mateo 5

Share

Mowni o jun mnaq kutzij jtzuk' chaj tik'ri xa chuxe' jun kxon kuya wi. Otaj, xani nmister che chkaj kuya wi rech kuya saq chikxo'l jumpa mnaq iy'o pja. Soq jala china ix, chitluwsaj a' o iwuk' rech kikkil mnaq ri utzlaj taq chak ki'ano. Tik'ri kkinmirsaj u'ij iQaw Dios o chla' chkaj.

»Ix ixjala peche jtzuk' chaj kitluw chikxo'l mnaq chi' chuchlew rech kuya saq chikxo'l. We o jun tinmit puwi jun jyub', kunjel mnaq kikkilo mal ot mow kuwaj rib'.

Utz ke chintaq ch'ajch'oj kanma' chjuch Dios, mal kikkil na uwuch Dios.

Utz ke chintaq nk'aj mnaq che peche mow kinumik y peche mow kichqij kchi' che u'anik ri utzil, mal kya'taj na chke su kkaj.

Per in kimb'ij chiwe che nmister kil'oj jumpa mnaq che xa ixajch'oj kuk', y china ich'ab'al ruk' Dios pkijlom chintaq xa k'ax kixkkilo.

«Utz ke chintaq kikna' chpam kanma' che rjawxik utzij Dios chke, mal iy'o pu'ab' Dios. Re ku'on utzlaj atb'altzij pkijlom y kuya na nimlaj utzil pkijlom.

Utz ke chintaq kik'an kchak che utzukxik jun utzil chikxo'l mnaq, mal kb'ix na chke che jare ke iralk'al Dios.

Utz ke chintaq kiyo' rmal b'is, mal kikriq na jun kub'sb'al kk'u'x.

Utz ke chintaq k'an k'ax chke xa rmal che kik'ano su kraj Dios, mal kikkechb'ej na ri utzlaj atb'altzij rech Dios.

Utz ke chintaq kel kk'u'x chke mnaq, mal Dios soq kel na uk'u'x chke ke.

»Utz iwe ix echi' ti xa wmal in kixyo'ik, k'an k'ax chiwe, y kk'eq runjel uwuch tzijtal chiwij. Xa chixki'ktoq, chnojsax iwanma' che ki'ktem echi' jala k'an chiwe, mal kiriq na jun nim tojb'aliwe chla' chkaj. Chna'taj chiwe che nk'aj mnaq che kik'an k'ax chiwe, soq jala xik'an kti' kmam ke chke ajb'il utzij Dios ujer.

Utz ke chintaq ch'uch'uj kanma' y kkinmirsaj t kib', mal kikkechb'ej na ri ulew che ub'im kan Dios che kuya na chke.

»Ix ixjala peche atz'am kixikje chikxo'l mnaq chi' chuchlew. Per we kitzyin t chik, ¿su mow kqa'an che rech kitzyin chik? ¡Ot chuptan! Xa kitrix chub'i chutaq ulew y kitk'alb'ax kan kmal mnaq.

China b'a jun utzlaj n'oj, rech puro sk'um ki'an chpam ik'asnmal, jala peche ku'on iQaw nim u'ij chla' chkaj, Re puro sk'um.

Ix iwit'am sutaq kib'ij. We iwit'am che qtzij su kib'ij, chib'ij “qtzij”. We iwit'am che qtzij taj, chib'ij “qtzij taj”. Xaq xawi kib'ij. We xa kiya uwi' itzij, xa rech itzel.

»Ix itom chik che xb'ix ujer: “Chin jun kuresaj uwuch jun chik, soq kesax na uwuch re; y chin jun kuresaj uwure jun chik, soq kesax na uwure re”. Per in kimb'ij chiwe che ot mow ki'an ch'oj ruk' jun chik mnaq che ku'on k'ax chiwe. We o jun katuch'ay chaplaj rech a'b'im, xa chiy'a koq jupraj chik aplaj chjuch rech katuch'ay chik chla'.

We xa rmal nawuch rech a'b'im che ka'an amak, utz we kawesaj y katrij b'ik, mal jare mas utz che xa ch'in kesax che ab'qil, chjuch we runjel ab'qil kk'eq b'i p'a'. We xa rmal na'ab' rech a'b'im che ka'an amak, utz we karamo y katrij b'ik, mal jare mas utz che xa ch'in kesax che ab'qil, chjuch we runjel ab'qil kk'eq b'i p'a'.