Popular Bible Verses from Yoani 3

Share

Kʉshangwa Gongo mwatsɨɨra kʉtsɨbʉ abandʉ b'omo kɨhʉgo, mwahika ko kɨka ky'erɨhana Mʉgala ʉwe kyʉsha, bʉshana obʉlɨ mʉndʉ yo ʉmwɨkɨrɨtsye athaheraga, hewethuwe abone obʉyɨngo bw'ekera n'ekera.

Gongo mwathathʉma Mʉgala ʉwe mo kɨhʉgo bʉshana asohe abandʉ b'omo kɨhʉgo, hewethuwe Gongo athʉmaga Mʉgala bʉshana mw'ɨtsʉkɨra ɨye ashabʉle abandʉ.

Yesʉ mwamʉshʉbɨtsya athɨ: «Kwenene, kwenene enyɨkʉbwɨra, omʉndʉ athangɨngɨra mo bwamɨ bwa Gongo athetsi abʉthwa ngendo lya kabɨrɨ.»

Oyo wɨkɨrɨtsye Mʉgala wa Gongo athasohirwe, hewethuwe yo ʉthɨkɨrɨtsye amalire ɨsohwa, kʉshangwa mwathɨkɨrɨtsye Mʉgala wa Gongo, kyʉsha.

Na shʉnga ekyo kɨnaleka abandʉ nɨ basohwa: ekyakakala mokyahika mo kɨhʉgo, he abandʉ mobatsɨɨra omwitsimya kʉlenga ekyakakala, kʉshangwa emɨkolano yabo yabyaga mɨbɨ.

Lɨtholere olʉkengerwa lʉwe nɨ lwalʉga n'olʉwaye nɨlwakeha.»

Kʉshangwa obʉlɨ mʉndʉ oyo ʉkola ebɨbɨ, anabaga ekyakakala. Kandɨ anathɨnda ihika ahalɨ ekyakakala bʉshana ebɨbɨ bɨwe bɨthashʉngɨkaga.

Omʉndʉ yo wɨkɨrɨtsye Mʉgala wa Gongo awithe obʉyɨngo bw'ekera n'ekera. N'oyo ʉthɨnda ɨkɨrɨtsya Mʉgala wa Gongo athɨndabone obʉyɨngo obo, hewethuwe obʉhɨthane bwa Gongo bwandamubyako ko bɨro byoshi.

Nga ko Mʉsa ahanɨkaga enzoka y'omʉlɨnga mo mbwarara, ni bathyo ko Mʉgala w'oMʉndʉ naye lɨtholere nɨahanɨkwa

Thatha atsiire Mʉgala ʉwe, naye amalire ihira ebɨndʉ byoshi mo minwe yɨwe.