Popular Bible Verses from Mak 2

Share

Ke ini Jisọs okokopde se mmọ eketiñde, Enye ama ọdọhọ mmọ ete, “Edi mbon udọñọ eyom abia ibọk, idighe mbon emi idem ọsọñde. Ami ñkedighe ndidọhọ mme nti owo ekabade esit, edi, ndi man mme anam idiọk ekabade esit.”

Ke ini Jisọs okokutde nte mmọ ekenimde ke akpanikọ nte ke Imọ imekeme ndinyaña, Enye ama ọdọhọ ọdọñọ akpaubeñ ete, “Eyen, emefen mme idiọkñkpọ fo!”

Do ke enye ọkọdọhọ mmọ ete, “Ekenam Sabat enọ owo, ikanamke owo inọ Sabat

Mmọ ikekemeke ndisim Jisọs oto ke ntak otu owo, ke ntak oro mmọ ema ekubọde itie ke enyọñ ọkọm ufọk oro ke ukem ukem itie emi ibuot Jisọs akadade, ndien ema esuhọrede owo udọñọ oro ye ñkpana esie enim ke iso Jisọs.

Edi man mbufo efiọk ete ke Eyen owo enyene odudu ke isọñ ndifen mme idiọkñkpọ,” Enye ama ọdọhọ owo akpaubeñ emi ete, “Ami mmowuk fi, daha ke enyọñ, men ñkpana fo, nyuñ nyọñ ufọk fo, koro emenam udọñọ fo okure.”

Efe emem akan ndidọhọ akpaubeñ, “Emefen mme idiọkñkpọ fo” mme ndidọhọ nte, “Dahada ke enyọñ, men ñkpana fo ñnyuñ saña?

Owo emi ama adaha ke enyọñ inikiet, emen ñkpana esie onyuñ asaña ọwọrọ ke iso kpukpru owo. Idem ama akpa kpukpru owo ndien mmọ ema etoro Abasi enyuñ edọhọ ete, “Akananam ñnyin ikwe utọ ñkpọ emi.”