Popular Bible Verses from Ọbọsuru 11

Share

Ke ini enye ama okokut Pọl, enye ama ada enye edi ke Antiọk ndien mmọ mbiba ema etie do ofuri isua kiet enyuñ eka iso ndikpep kpukpru owo emi enimde ke akpanikọ ñkpọ. Ekedi ke Antiọk ke ekekot mme anditiene Kraist ke akpa edikot mme Kristian (mme mbiet Kraist).

Ke ini enye ekesimde do, ndien onyuñ okut nte Abasi ọkọdiọñde mme mmọ oro, enye ama adara eti eti onyuñ ekpe ye mmọ ete yak mmọ enyene mbuọtidem enyuñ enam akpanikọ ye Ọbọñ ke ofuri esit mmọ, Banabas ekedi eti owo, ama ọyọhọ ye Edisana Spirit ye mbuọtidem. Ema eda ediwak owo esọk Ọbọñ.

Etiñ añwaña nte ke Abasi ama ọnọ mme idut efen oro ukem enọ emi Enye ọkọnọde ñnyin ke ini emi ñnyin ikenimde Ọbọñ Jisọs ke akpanikọ. Ami ñkedi anie ke ini oro, ndiñwana ndibiọñọ Abasi?” Ke ini mmọ ema ekekop emi, mmọ ema etre ndisua nnọ mmọ edi ekabade etoro Abasi, enyuñ edọhọ, ete, “Ke ntem Abasi ọmọnọ mme mmọ emi midighe Ju ñko ifet nditua ñkpọfiọk ñnyuñ ndu uwem!”