Popular Bible Verses from Dwɔn 19

Share

Mɔɔ Gyisɛse vale ɔ nloa hanle ye la, ɔdeanle nu ɔzele kɛ, “YEWIE,” akee ɔbɔle ɔ ti aze na ɔwule.

Na mɔɔ Gyisɛse nwunle kɛ debie biala ɛra awieleɛ la, amaa Ngɛlɛlera ne ali munli la, ɔzele kɛ, “Nzuhɔne ku me.”

Mɔɔ Gyisɛse nwunle kɛ ɔ nli gyi ɛdoavolɛ ne mɔɔ ɔkulo ye la anwo ɛkɛ ne la, ɔzele ye kɛ, “Raalɛ ye, ɛra ne ɛne.” Akee ɔhanle ɔhilele ɛdoavolɛ ne noko kɛ, “Nea, ɛ nli ɛne.” Ɔvi zɔhane mekɛ ne, Dwɔn vale Male hɔle ɔdaye ye sua nu.

na mɔɔ bɛdwule Gyisɛse anwo ɛkɛ ne la, bɛnwunle kɛ yewu dɛbadɛba, ɔti bɛambubu ɔ gyakɛ ɛdeɛ ne. Emomu, azogya ne mɔ anu ko vale ye atwɛ ne wɔle ɔ nvenle foa, na mogya nee nzule vi ɛkɛ ne vindele.

Azogya ne mɔ yɛle ɛhye amaa Ngɛlɛlera ne mɔɔ se, “Bɛnrɛbu ye bowule ko bɔbɔ anu” la ali munli. Yɛɛ eza Ngɛlɛlera ne bieko se, “Bɛbakpogya bɛ nye zo bɛanlea sonla ne mɔɔ bɛwɔle ye atwɛ ne la.” Ɛhye maanle ɔdaye noko ɔlile munli.

Ɔti akee bɛ sa hanle ye amozii; na bɛvale ye meanubaka ne bɛzoale ye, na bɛ nee ye vile sua ne azo hɔle ɛleka ne mɔɔ bɛfɛlɛ ye Hibulu nu “Gɔlogɔta”, mɔɔ ɔ bo a le kɛ “Etile Kanrɛlɛ” la.

Azogya ne mɔ nwonle mbowule abotile vale zoale ye, na bɛwulale ye kɔbenle tɛladeɛ.