Popular Bible Verses from 2 Korɛŋto 12

Share

Ntsʉʼmbé, a pó mbɔ́rɔ́ ne mo pé ŋgâ: «Foʼndzəndzoʼ ya kuʼɔ́ pwó wo. Pe tsʉyɛ̌ njʉ́ tʉ̌ŋ máá, pé ŋkhoʼyɛ́ pé pɔ́d nɛ́.» Néré, a pɛɛ ntiʼéne, mbǒ mə tiʼɛ ŋkhoʼyɛ́ tʉ̌ŋ máá nzwɛ̌ nɛ́, yânéré ŋgâ tʉ̌ŋ Kristo pɛ mbəb mo.

A zhyɛ́ yéré, mə mbé ne ndebéne, ŋkhoʼyɛ́ mə tséʼé tʉ̌ŋ nɛ́ pó, ndzɔ́ʼɔ́ pɛ ntó, pɛ ŋgəʼo, pɛ ŋgəʼo pɛ́ pe záá ya núŋ nɛ́, pɛ́ pɔ́ɔ́ pɛ́ mə kɛ tsɛ́ʼɛ nɛ́, ŋkɔŋɔ meno péré náá, ne tíí Kristo nɛ́! Ŋkyé ŋgâ, á ŋkhoʼyɛ́ mə mbɔ́d nɛ́, mbé ŋkhoʼyɛ́ mə tsɛʼɛ tʉ̌ŋ nɛ́.

Oooʼ! A kaʼa, a ghɛmbɛ mə ndzɔŋɔ ntiʼé ntiʼe, mbǒ tɛɛmbɛ cyó ŋɔŋ pe nsó ŋgâ, mə ŋkhu mbɛ́ɛ́ pó. Ŋkyé ŋgâ, mbǒ no yɛ́ mə ntsɔ́, ntiʼɛ́ núŋ nɛ́, ke mbɛ̌ no sísíŋ. Ntsʉʼmbé, mə mgbǎ mbəb ya ŋkyé ŋgâ, mə tsé mbé zɔŋɔ pɔŋ tiŋɛ̂ ya mbziʼe yɛ́ a tsɛ̌, mbziʼe njʉ́ pɔ́b zhʉ́ ya nɛ́ pó, kii ŋgâ ne no yɛ́ pɔ́b zoʼo, mə ntsɔ́ nɛ́, pó. A njʉ́ no yéré yɛ́ mə kɛ zhʉ́ nɛ́, kɛ shʉyéd kaʼatɛ nɛ́, ne ŋgyɛ̌ne ŋgâ mə ndɛ tsé ntiʼɛ, pe níŋi taʼ ndzɔ́ŋ yɔ́b mbəb mo, a pé taʼ aŋgere Sátaŋ, gbíí ya, kɛ́ʼɛ́ ŋgâ mə ndɛ tsé ntiʼɛ.