Popular Bible Verses from 1 Kɔlɛntiɛ́ŋ 1

Share

Gɔdányá gɔg meyíd buanda ubú band lɛ́ŋaná ká búnyɛ buál, ká wéŋin band bá nsiŋi ɔduɔ́ gunɔ́. Ubú búnyá anɛ búnyɛ na buyɛgɛl, Gɔdányá uweyid bú ká wéŋin ebe bányá na magɛ́nda ɔduɔ́ gɔnɔ́.

Kányɛ gudúmbenyi Ndág ya Nsɔ́m ya nigú ná Kilíse agá bɔdɛ́d bá gisanda lɛ́ŋanɛná anɛ buanda bá buál aga ebe bányá benyímén. Gá giáy gɛ́dɛ́lɛ́ŋaná basuá dɛnyá agá nŋili yá gisódio, digúsɔ́ŋɔ́na bugaga bá Gɔdányá kɔ́ nagadá.

Band mábɛ́dága ká Gɔdányá nyɛ́ na buál, gigúl igiány buál bág dɔ́mbaná nsiŋi yá band. Bámábɛ́dága ká Gɔdányá unyɛ na bunɔn, gigúl igiány bunɔn bág dɔ́mbaná nsiŋi yɔbɔ.

Gɔdányá nyɛ na nuládad, ɔwɔ́ umáanúbɛ́lɛ́gɛ́n ká, dɛ́bá agá nɛlad na Mɔɔn waga Yésu Kilíse Ɔgúnɔ́ wasɔ.

Belimen bám bá guádáb, ngúnúbísógólonyi agá ɔfɛ́n wa Ɔgúnɔ́ wasɔ́ Yésu Kilíse ká, nubá buóny búmoom, dusala sala diánɛ́gán gadágadá wanɔ. Ánubá bábɛ́ladán bese na bese, nubá ɔdɛm ómoom na mbɛ́dágɛ́dɛn yanɔ imoom.

Mɔnd wa nsiŋi nyɛ́ nány e? Olinsi bisele nyɛ́ nány e? Ta ɔ́g ká band bá nsúŋie bá medug eme e? Gɔdányá égudíye ká nsiŋi yá band bá gus nyɛ́ buál.