Popular Bible Verses from BaGalatiya 6

Share

Alimwi tutakatali mukuchita bubotu, nkaambo muchiindi cheelede tuyootebula, kuti teetwabola moyo.

Eelyo aboobo, mbuli mbutujisi mweeenya, ngatuchite chibotu kubantu boonse, alimwi kapati kuli aabo bakuŋanda yalusyomo.

Ngamunyampuzyane mikuli, alimwi mukuchita oobu mulazuzikizya mulawu waKkirisitu.

Mutayenwi; Leza taniyakwi, nkaambo kufumbwa muntu nchaabyala, nchiinchicho nchayotebula lubo.

Nkaambo ooyo ubyala bukompami kumubili wakwe uyootebula bukompami kuzwa kumubili; pesi ooyo ubyala kumuuya uyootebula buumi butamani kuzwa kuMuuya.

Bakwesu, naa muntu wazundwa muchibi, inywe nimupona chamuuya mweelede kumuboozya amoyo mubombe. Amuchenjele, ambweeni inywe alanu mulasunkwa.

Nkaambo naa umwi wayeeya kuti nchimwi chintu, anukuti peepe, ooyo ulalyeena lwakwe. Pesi uumwi awumwi ngasunke mulimu wakwe, alimwi eelyo kulikankayizya kwakwe kulaba kwakwe aliikke peepe kuli ngwayakilenaawe. Nkaambo muntu woonse weelede kunyampula mukuli wakwe.