Popular Bible Verses from BaGalatiya 5

Share

Pesi michelo yaMuuya nduyando, lukondo, luumuno, moyomulamfu, buuya, bubotu, kusyomeka, kulibombya, kulibatamika; atala azeezi taakwe mulawu pe.

Pesi ndaamba kuti, mweende chaMuuya, ankaambo kacheechi tamukwe kuzuzukizya ziyandisyo zyamubili.

Kuti twapona achaMuuya, alubo ngatweendelezegwe achaMuuya.

Alimwi aabo balikuli Kkirisitu Jesu bakagankamina mibili yabo azisusi zyayo aziyandisyo.

Lino milimu yamubili ili antanganana: bwaamu, busofwazi, zisusi zibi, kukomba mizimu, bulozi, nkondo, bulwani, ibbivwe, lunyemo, kutangala, inkondo, mipampumipampu, munyono, kukolwa, misalo yamunyika, azimwi zili boobo. Ndamuchenjezya, mbuli mbundakamuchenjezya kale, kuti aabo bachita zintu ziliboobo tabakwe kuyookona bwami bwaLeza pe.

Bakwesu, nkaambo inywe mwakayitwa kulwaangunuko, mutabelesyi lwaangunuko lwanu mbuli mweenya wakubotezya mibili luzutu, pesi mukwiinda muluyando amube balanda bawumwi awumwi.

Nkaambo ziyandisyo zyamubili zilalwana aMuuya, alimwi ziyandisyo zyaMuuya zilalwana amubili; nkaambo eezi zilakazyana, kuti zikukasye kukuchita eecho nchuyanda.

Nkaambo mulawu woonse ulazuzukizigwa mumulawu uumwi waamba kuti, “Yanda nguyakilene aawe mbuli mbuliyanda.”

Tatweelede kulisumpula pe, peepe kudyokolana, peepe bbivwe kuli uumwi awumwi.

Nkaambo kalwaangunuko Kkirisitu wakatwaangununa, nkikaako ngamwiimikile nji, alimwi mutalituuli lubo kujokwe lyabuzike.