Popular Bible Verses from २ कोरि 1

Share

आबोरेन प्रोभु जिसु मा़सिरेन इसोर आर आपात, माँयाँक्‌रेन बाबा आर सानाम जिवि राक्‌ड़ेच्‌रेन इसोरगे सारहाव होयोक्‌ताय मा। ओने उनि आलेयाक् जोतो सानतावरे जिविये राड़ेजताले, जेमोन जाहाँलेकान सानतावरेगे मेनाक्‌को, ओना जिवि राक्‌ड़ेच्‌आक्‌ते, ओकाटाक्‌ते आपनारगे इसोर ठेन जिविले राड़ेच्‌ ओचोक्‌कान, ओनाले एम दाड़ेयाको।

एनते चेत् लेका मा़सियाक्‌ दुक सासेत आले ला़गित्‌ सारेड़ोक्‌कान, ओनकागे मा़सि होतेते आलेयाक्‌ जिवि राक्‌ड़ेच्‌आक्‌ हों सारेड़ोक्‌ काना।

हें, गोच्‌ ओचोक्‌ हुकुम होयात्‌लेया मेनते आपनार मोनरेले बुजहा़उकेदा। जेमोन आपनाररे दो आलो भोरसा आकानले ताहेन, बिचकोम गोच्‌को जिवेत्‌ बेरेत्‌इच्‌ इसोररेगे।

आर आपे साँवते मा़सिरेये दिड़होयेत्‌लेइच्‌ आरे ओजोक्‌केत्‌लेइच्‌ दो इसोरगे। ओने ओकोय मोहोर होंए मोहोर छापआत्‌ले आर बायना लेकाते सोनोत जिउगे आलेयाक् ओनतोररेये एमात्‌ले।

आदो आलेले सानताव ओचोक्‌ खान ओना दो आपेयाक्‌ जिवि राड़ेजोक्‌ आर बाञचावक्‌ ला़गित्‌ काना, आर आलेयाक् जिवि राड़ेजोक्‌ खान, ओना दो आपेयाक्‌ जिवि राड़ेच्‌ ला़गित्‌गे। आलेले साहावेत्‌ कान दुक सासेतको दो सोबोरिकातेपे साहावेत्‌ते जिवि राड़ेच्‌पे ञामेदा।