Popular Bible Verses from Nzyeté 3

Share

Manzwě gyá ngie ntɔ̌ɔn tÿǒ ŋwɛ́ sí, ḿbiŋ ḿboŋ tà ńtsóte nyìŋ lépfɛ́ ńdɔg ńgẅiin zsénò gie á zyɛ́ʼ. Ńdeen ńké ńkába tàʼa tɔ̌ɔn, ḿpfɛ́, ńnáa ye ndúm we gẅie à laa lejʉ́ŋ yé, á pfɛ́ yé.

Ennú la gʉa na menɔ̀ɔn mbàʼ pie Cʉ̀apʉ̀a Ssé la pwóon, ńgwɔ́ nɔ̀ɔn gẅie à pǔ ńgẅiin meshÿó fʉ̀te. Yɛ̌ zɔ̌ la gÿo, ennú zɛ́te manzwě ngie: «Tà áa nénʉ́ mbà Ssé la gɔɔn ngie: “Pi te gẅiin lépfɛ́ mbɔɔ tàʼ na mentɔ̌ɔn tÿǒ mie ée nkáʼa Éndɛ̀n wɔ́ɔ”?»

Ńgʉa tsetsɛ̀ɛ pi manzwě, mbà n ge gÿo páʼ pi yé ge láʼa cʉ́ʼʉ lʉʼe lʉʼe. É gÿo páʼ ngẅɛ̀ jù pɔ́ ye manzwě ge láʼa cʉ́ʼʉ lʉʼe lʉʼe. É gíŋe gÿo páʼ ngẅɛ̀ manzwě ge láʼa cúɔ twó jù, é tẅagte. Ńgʉa na gù, ɔ̀ tsɔ́gɔ yé ntsìŋe kwò yé.»

Cʉ̀apʉ̀a pɔ́ɔnte ńgɔɔn mbwó manzwě ngie: «N gÿǒ páʼ ɔ̀ ge láʼa gwɔ́ shwoŋ, ngɔ́ʼ jù kẅiʼi. Ɔ̀ ge láʼa lúme tá zyé gubé jú. Ɔ̀ ge láʼa tsɔ́ɔn légwɔ́ lejʉ́ŋ mámbàŋa, Yé mámbàŋa zɔ piŋ ḿbóŋo gú.»

Ɔ̀ ge láʼa tʉ́ŋe zìʼi, tá pfɛ́ɛ mmó, tà láʼ piŋ né tsɛ̀ɛ tsetsáʼ, á jʉʼ gie ɔ̀ la fó wó. Ńtí nue ɔɔ tsetsáʼ, ɔ̀ ge láʼ piŋe, é cʉ́ʼʉ tsetsáʼ.»

Cʉ̀apʉ̀a cʉ́me, ńgɔɔn mbwó mámbàŋa ngie: «Páʼ ɔ̀ kě ńjúʼ ncwò nzwě gù tà ḿpfɛ́ ntɔ̌ɔn tÿǒ gie n da pʉ́ la, N něŋ ndòon twó tsetsáʼ ńtí gú. Ɔ̀ ge láʼa cʉ́ʼʉ gyá ngɔ́ʼ na tsetsáʼ, tá pfɛ́ɛ mmó, tà láʼ kwé.

Cʉ̀apʉ̀a Ssé gíŋe ńzɛ́te yé ngie: «Awɔ̌ shwoŋó gú ngie ɔ̀ tyě te nzsǒ? Tsye ɔ̀ zẅǐʼ ntɔ̌ɔn tÿǒ gẅie n da pʉ́ʉ mbwó gù lépfɛ́ la ka?»

Cʉ̀apʉ̀a jwoŋo yé púʼu, ńdeen ńké ńtÿɔ́g tsɔ́ mecÿɔ́ʼ Ssé pie sɔ́b lezíŋ ée lê Mekɛlẅimbeŋ á na shÿó sǎʼnèm we nkáʼa Éndɛ̀n. Mekɛlẅimbeŋ la gẅiin nně ncù, é gwɔ́ páʼ lʉ́me mmɔ̌g, ḿbiŋ sate ńkyɛʼɛ shÿó ntsèm, ńdɔgɔ ḿbyɛ́bɛ mánzsè gẅie à gee tà ńcʉ́me na tÿǒ légwɔ́ wó.

Ándàm la tsẅi lezíŋ nzwě we lê Évà, e lɔgɔ ńgɔɔn ngie «ntʉ̀ntʉ̀», ńtí nue aa má pà pʉ̀a mesoŋ ntsèm.