Popular Bible Verses from मर्कुस 10

Share

कडालेकं मानवालो ओज़ा सेवा डैने वार्डे माङ्क, बुरु सेवा डोने सोनो स्यानटैराई यापापलो ओझोलो लागिटं ओपोहोन याने ओराव ची।”

येसुये उसिसरंलाई र:ङडे हैओडोवरं, “मीराईङाम आव माटाडु, बुरु परमेस्वरङाम टाव ढुव, कडालेकं परमेस्वरये स्यान्टै रो: डोडुव।”

होकाम येसुये नो मीलाई हैओडोव, “नयेम्डे गनानके। नबिस्वासये नङलाई ससम्डेनैसोनो।” होकाम होमान्त्राज़ नोलो उमिलंङ ओरो:नो, होकाम येम्ट येसुलो उछिन-उछिन ओनाव।

हैजैडे परमेस्वरये जोलाई ज्यारी झैडे नोयोरं, मीराई होरंलाई टाछुटैरंकं।”

येसुये हो मीलाई ओरो:ङो, होकाम मया डाडे हैओडोव “नङ नजीबनलं टोबो रो: माडुमो लिज़्या। गनानके, नाडे नङसं कडि-कडि लिज़्या स्यान्टै येडे गरिबरंलाई गोयोरंके, होकाम नङ नो सम्पति स्वर्गट डैने नले। होकाम राडे ङाजिन्ट नराके।”

येसुये नोलाई हैओडोव, “नङलाई कडि ओचाहिज़्याव, नलागिटं ङा कडि झैने?” हो मीये येसुलाई हैओडोव, “रब्बी ङामिलंङ फरि ओर:नकं।”

जे नेटाव टाटाच्यो। बुरु जेलाम काङ्काये घ्योव टाने पानो, हो जेसेवा डोने ओटाकं।

डस्साज़ ङा जेलाई हैङाडाच्योज़्या, जोये परमेस्वरलो ओराज्यलाई टोबो आलिज़ा बाल्खलाई स्यानाव ग्रहन माडोव, नो खर्कज़ परमेस्वरलो ओराज्यलं पसिडुने माले।”

होकाम ङा:डेङारं छिन्ङ सोनो छिन्ङार ङा:ङ टानेलेरं।”

सास्त्रटं सर्सिव ले, ‘सङसार ओटावकामज़ परमेस्वरये नोनिलाई खेपा सोनो मेमा ओझोयोनि ची।’ हैजैडेज़ खेपा मीये ओबाबु वामालाई रा:डे ओज्यासं मिलिडे ओलेकं, होकाम नो ज्यारी टोबो ज्यु टानेलेनि। नो ज्यारीनि नेम्लो माङ्क, बुरु टोबो ज्युज़ टाने लेनि।