Popular Bible Verses from Luka 13

Share

Yesû wêbaêndwêle, “Mwikankamike kûtwela kwa kwêtêla mushango gûke; kibalo nanimilombola bangê bekatompa kûtwela mone habakanyonghoni kûtwela.

No hao abele mwanamukasi gûmo ûbele mutongi wa miaka kumi no muganda; hûkêlwe no munyaga gûbe gwa katumba, noge habele wanyonghona koloka. Yesû lwamumwene, umwitile umulombwele: “Mwana mukasi, ûbe angalê wahandibwa mutongo gobe!”

Kûwa Yesû umutentekile maboko gage, lûkwe lûmo holokile nsûnga no kûbamba kumutûmbêsha Kabesha Mpûngû.

Lola, balya babele banfulo bekaba batangi, no balya batangi bekaba ba nfulo.”

Kyaba kyakûsha, kwana mwine nsese wakemana no kubigala kilêmba; benywe mwakemana andje no kûbamba kûkokola mushango no kwana: ‘Kolo tubigwêle mushango!’ Mone gee wakebaêndûla: ‘Nsimidjê benywe, byonka sindje kwamwaimina!’

Nanimilombola, ubisibyo! Mone ntê amwakûkeba kwalabûka kûima mubûbê benywe bonse, shamutobele nagwe nibo bonse.”

Mone gee wakesamba: ‘Nsimidjê benywe byonka nsindje kwamwaimina. Musemuke kûgêbwa gyane, benywe bonse bangêla bibê!’

Yesû ubulishe: “Bûkolo bwa Kabesha Mpûngû bwêgûlane no kêê? Sanibwêgûshe nokêê? Bwênagwe nindjee gya kilanga. Gitwalile muntû gûmo wigikunine mulûbanda lwege gimenine no kûkûla kûba mutê gûkata, no toni twa egûlû tuimpile binswa kûmatabe gage.”