Popular Bible Verses from Balomɛ́ŋ 12

Share

Nudibídóŋónyé gá muand muá guísi guá hínen, ánaá núbínihinɛn Uhaluá unúnúgie, unúhuá nugedie unugɔ́sɛ gá lɛns gusaluna guɔyɛd guá Uhaluá: Ubúnya beseé, ubúnya bunɔ́g, ubúnya níŋíláníŋílá.

Beliméen, yeénúgínyiginye gɔg uguá bulɔ́b buá Uhaluá, gá gueleé banuá muɛ́d nusilɛ́ɛg duɔ́l duánɔ udugɔ́sɛ, gisámb na bunɔ́g agá eŋís ya Uhaluá: Búbuanábánɔ́ yanɔ mbúlúgie uguá gileénde

Nubídágídɛ́n núbá uguá ibal, numán ɔdɛ́m uguá meyú, núbá nsuálál uguá mbísógóli.

Adibíníhínɛ́n gilɔga, gɔgaá gáyɛ́n gilɔga na guala beseé.

Gá busió buá ginɔ́nɛ́n giá buliméen, ánaá núɔyɔnɛn.

Ánaá ginɔ́nɛ́n giánɔ gíbá ndága ya ginɔ́nɛ́n. Ánaá núbínɔhɔnɛn bifal nuanaán biɛ́ manyanyɛ nubígɔ́d na buá beseé.

Mmába búnyɛ búábá nɔ́ uguánɔ guá guɔyɛd, ánaá núsɔ́dɔn uguá búmbenu na bandɔ gidigid.

Beliméen bámɛ bá ginɔ́nɛ́n nudibíóndónyeé, gɔgaá ánaá núnihɛn ilúnd hiá Uhaluá híóndonyinye, haná búnya ubúɔ́ŋɔ́n áneé: «Gibióndie gíámbíyigan, yaŋuá yanásuaninaá.» Ɔgúná úwɔyɔnɔ́ anagányɛ.

Ánaá núbá kuanyɛkuanyɛ, nudibán busebi, na gileénde igihunyígánɔ, ánaá núálan Ɔgúná buóli.

Uguá ɔhɛ́n huá magɔg ɔmɔɔ́ mmábia, yɔɔ́guɔyɔn sig mɔndɔ uguánɔ guá ɔlɔŋ áneé nudigódi áneé nugedenye áneé núádáaban ubuɔ́ núnya, ánaá núbá gɔg yɛbyɛb uguánɔ guá dugedie, sig mɔndɔ uguá gidám giá guágɔdɛ́m igiɛ́ Uhaluá úmeéŋín yɔ́.

Nudiondínyé ta mɔndɔ gilɔg uguá gilɔg, ánaá núlinsan guala beseé agá eŋís ya bandɔ gidigid.

Ánaá núháman ugelu banuá na banuá, nudiambá gubíbúlúgenye, ta anagányɛ gɔg ánaá núádáaban guala muand na ɔdɛ́m gisínyi. Nudibígɔ́lɔn hana belins.

Gɔgaá mmába nsan yaánúma abɛlɛ́bɛl wahɔ, éŋín yɔ́ gunyá, niída nímábá neéneg éŋín yɔ́ buá bíhuá gá giagiá ámála anagányɛ, eégíŋen yɔ́ gigɔlɔ́gɔd giá yoógi uguég uguá ɔduá.

Funánánɔ ebénúgényigenyeé, funánánɔ, nudilɔmá. Ánaá núyayaba naá abáyayabánɔ́, ánaá núbaŋa naá abábaŋanɔ́.

Ánaá núgígenin beliméen bánɔ abánya gusɔg ɔmbɔ́g, nugudugud gá gíndígan bandɔ uguánɔ guá duhiá.

Ɛɛ́ɛ, haná dibíanánaá maláŋ giod uguá nuɔ́l numoómi, haná maláŋ amagányɛ mádiábianan buóli búmomi mámuanyɛ mem, buand buáguɔ́ basuá giod dínya nuɔ́l numómi uguá Klístus, haná dínya basuá bem buláŋ búmomi sig mɔndɔ na buég buóli.