Popular Bible Verses from Matayo 5

Share

Ndèy li ro nì ngǎ ndèy tow nì tǎlà ndèy léy tdyǔ tss̀ tò, chú à léy nì ndèy-koko djú, ndaní à tdyí wánì ndrǔ rónga cha ì nì dzá nì. Fú ddì nì tuw nà nyìmí kadha kà ndèy ká bbalè nyú djú, ndaní ndrǔ njǎ nyìmí lǎní njeydha ndèymí ndrǔ bbú madha nyìmí Djǎnì rakpa ó nì dhò.

“Nyì nì kadha níchú dziylíy djú bbalè wánì dhò. Ngòw djú ka ss̀ nì ddrǒngó ní bba ru nì ndèy nzǐ.

Bû nì cha ì thíy nì thí nì ndrǔ dhò, ddiydhò ndrǔ rà Ddrà njà.

Bû nì cha ì nì chǒw ní deydha měy nì ndrǔ dhò, gbè ì nì ɦùw nà ndèymí dda-ꞌwíy nà nì ndrǔ níchú, ddiydhò ndrǔ ónga rà kì.

Chú njanja manì tdrǎ nyì dhò, ji nyìdhí ndrò-djá ndèymí nzz cha í nì nyì nza nì ndrǔ dhò.

À tdrà, “Bû nì cha ì nì thíy mí zòw nà nì ndrǔ dhò, ddiydhò rakpa mí pey-mí-nga nì ndrǔ dhî.

Bû nì cha ì nì li-thíy djówdha mí lò tdrǎ nì ndrǔ dhò, ddiydhò ka rà ndrǔ íy Ddrǎ-ngá nzòw ní.

Bû nì cha ì nì dzž nì ndrǔ dhò, ddiydhò ka rà ndrǔ thíy djow.

Bû nì cha ka nì ì nza chǒw ní lò djù nì ndrǔ dhò, ddiydhò rakpa mí pey-mí-nga nì ndrǔ dhî.

Bû nì cha ì nì zòw-lò njěy njàddí bbalè ró nì ndrǔ dhò, ddiydhò ndrǔ rà zòw-lò chùw.

“Bû nyì dho ya bbalè nì nyì dhǔw, nzadha bbu nyì dhò, nyì ró ngéy-ngéy ní ngǎjìní lò tdrǎ cha ndèy nì mbwa nì, nyì nì ma kodjú kpa ddiydhò. Nyì déy hwî nà ndèymí nyì jow yǐlílí, ddiydhò ddrǒngó ní nyì kobì nì nyì pbǒ rakpa ò. Fú ddì nì tuw nà, ndrǔ bbû tdè nzádha nabi-kpà dhò cha ì tdè nyì njìó nì.

Bû nì cha ì nì ì djow nì ndrǔ dhò, ddiydhò dziylíy rà dey ndrǔ dhî.

“Nyì nì ku níchú dziylíy djú bbalè wánì dhò. Chú ya ku kuw thà, ka dhó kuw nì ngù ŋǎchú? À nì lǎní tdíydha dhò, ndaní bbalè bbiy djò mà luw.

Fú ddiy dhò, à jì nyì déy chǒw wánì ddiy ó, gbè nyì Dja rakpa ó nì ddí nì chǒw níchú.

Léy nyìmí ‘Ónì’ déy òní ǐngí ‘Ngǎ’ déy ngǎ, ddiydhò ngéy ní ddiy cha ndèy dà fú nì djòluw nì shì ngǎjìní li Setani dèddù.

“Nyì rr̀ Musa-ngá yǎdha tdrà níchú, nzadha kà ka bbú ddìkàddì li-rónga nyúdha nà, ‘Li-nyú ddí li-nyú dhò, ndèymí li-kuw ddí li-kuw dhò.’ Chú njanja manì tdrǎ nyì dhò, nzǐ nyì ngu lò bìtsò cha ì njèy nyì ngǎjìní nì ndrǔ dhò. Ya ndeyli thà ví òluw nì nyi gi-tèy, bbú à thǎ ddì nì ddí.

Ya ví òluw nì nyi nyú mbà nyi cherr ò, ddá à gu nyi róddù. À nì lǎní drǒ nyi víy nyi rónga la-tsò rò à da nyi rónga wánì chěy ndru-tey ró nì li sàdha mí kàss ò nì. Ndèymí ya ví òluw nì nyi-dhokpa mbà nyi cherr ò, ddá à ndèymí nyi ngbǒ à gu. À nì lǎní drǒ nyi víy nyi rónga la-tsò rò à da nyi rónga wánì tsǔw ndru-tey ró nì li sàdha mí kàss ò nì.