Popular Bible Verses from 1 कुरिन्थियो 13

Share

परैम धीरजवन्त है, अर दयाळु है। परैम जळण कोनीं राखै, परैम आपरी बड़ाई कोनीं करै, अर घंमड कोनीं करै। वो गळत व्यवहार कोनीं करै, वो आपरी बड़ाई कोनीं चावै, झुंझलावै कोनीं, परैम बुराई रौ कोई हिसाब कोनीं राखै।

परैम हरैक वगत रूखाळी करै है, सगळी बातां माथै विसवास करै है, सगळी बातां री आसा राखै है, परैम सगळौ सहन कर लेवे है।

उणरौ आंणंद पाप में कोनीं, पण सचाई में है।

पण इण वगत विसवास, आसा, परैम ऐ तीनो बण्यौड़ा है, पण इणमे सगळौ मोटो परैम है।

परैम कदैई टळै कोनीं। पण भविसयवांणी रौ वरदान खतम हो जावैला। भासाओं रौ वरदान खतम हो जावैला। ग्यांन रौ वरदान मिट जावैला।

जे म्हैं मिनखौ, अर सरगदूतो री बोलियां बोलूं अर परैम नीं राखूं, तो म्हैं ठनठनाता पीतळ ज्यूं, अर झंझनाती झांझ रै ज्यूं हूं।

अर जे म्हैं भविसयवांणी कर सकूं, अर सगळै भेदों अर सगळै तरैह रै ग्यांन नै समझूं, अर म्हनै एठै तांई पूरौ विसवास हो, की म्हैं भाखर नै हटा दूं, पण परैम नीं राखूं, तो म्हैं कीं भी कोनीं।

जे म्हैं म्हारौ पूरौ धन कंगालो नै बांट दूं, या अपणी देह जळाणे रै लियै बलिदान कर दूं, अर परैम नीं राखूं, तो म्हनै कीं भी फायदो कोनीं।

जद म्हैं टाबर हो, तो म्हैं टाबरौ रै ज्यूं बोलतौ हो, टाबरौ रै ज्यूं मन हो, टाबरौ जैड़ी समझ ही। पण जद जवान हो गियौ, तो टाबरौ री बातां छोड़ दी।