Popular Bible Verses from Ittẹwọr 49

Share

Ọnọng kw'ọfha ọtzọkha ẹfa ka mbọhk s'ẹkhọma cha Juda kode e, ẹfa échina ororo ewobha ka mbọhk sa va pa va pa Juda, matzẹmaa opyiri k'ogbe kw'idibhon ichen-ẹ ndumma, ngọma biphyir awobha irekh-irek kwẹ.

“Josẹph ode mach'echi cha grep ch'ebe ẹbaanga ekhekha, va pẹ ade mach'abọhnga p'anyaami avura k'egbegbeho. Atta-ayuk átzima idọdọkhi arim-ẹ abẹ, bẹ am-arim-ẹ abẹ ttara ittattaanga s'ideden.

Yina, kọ akhema bẹ achina ororo, okhuri da kọ abọk oyuk kwọ, m'ejinọng-ejinọng. Ofona k'ẹfa ch'Ibinọkpaabyi kw'Ẹfa biphyir, kwa Jekọb okpobh, osi mbọhk sọ ngaang-ọgaangi. Okkeri-arukhimaan kw'ode Ẹtzakpa ch'Israẹl, kw'ode Ibinọkpaabyi kw'atte okpobh kw'ọkkaan-ọ, ode Ibinọkpaabyi kw'Ẹfa biphyir kw'ọdọ-ọ ttara ẹdaa ch'ẹrọng ẹnangi, ttara ẹdaa ch'asi p'awobha k'irerek ẹtzaanga, ttara ẹdaa ch'ọmaan ọmaana abasi k'ọhaabh.

“Onode kọ Juda, votte pọ ánang-ọ ikpokpobha. Attattaanga-nọng pọ ábira awobha irekh-irek kwọ, votte pọ biphyir áhakha nho anang-ọ. Kọ Juda, nnwa kwaam, ade okye-nwa; kw'ofhu etzen ochi, ofona ọbhana k'ibe s'ofon okwu, mach'okye-dim, kw'oyim ọkpẹ-ọkpẹ, mach'okye-kwa, ọnọng kw'ofha ogbikh-ọ kode.

“Reubẹn, kọ wọ ade ocheden-nwa kwaam, abira ade ẹfa chaam, kọ wọ ade ẹkhọhkha ch'ejinọng chaam, abira ade ọnọng kwa kaam ndim nkkaara ẹmma. Kọ áde mach'asi p'abobh-obobh, kọ ojibhada dọk kàre, da kọ atzam ọtta, arẹkhi eyima ch'atte, ayima ọkkọra-kwanọng kwẹ abẹ.