Popular Bible Verses from Dèmo kè Apôtre o 1

Share

N’ènè tè ba nè ngaïli kè Saint‐Esprit nè tè tèno jou, nè‐o hi, k’ènè tè dè oui‐to‐oui̱ne‐olo‐nou‐m’ o sarli̱ Jérusalem, dè nou Judée nè oli, dè nou Samarie, iyaaa mono nè di ka‐yanga‐zane mè nè oli.

N’a pikifiè ho ouo̱‐o, ègui̱: Bènè oui̱ne k’ènè‐o oui̱ne i̱ngi po‐ouichi dè ji nè Nzapa iè nè ngaïli k’è hi go.

N’a mono nè do ouo̱‐o hi, n’a ba guinggui ho ouo̱‐o, ègui̱: Ouo̱ ya nèno yèlè nè Jérusalem o nè, ouo̱ kèlè mo o nè Sème toa nè hi sè, n’a to oui̱ne ho ouo̱‐o da, ègui̱: Nè mo no‐m’ oussou oui̱ne d‐a h’ènè‐o hi; oui̱ne Jean déè baptême b’è nè do̱ li, n’ènè‐o, koli zè guèda‐iè, k’ènè tè ba baptême b’ènè‐o nè kè Saint‐Esprit.

N’a himi nè, a fi nè hi, n’a pa ouo̱‐o k’a nè touni, a déè mo ouinè oui̱ne oussou hèmo n’a mono nè touni nè bara oui̱ne higo ho ouo̱‐o, da ouo̱ tè téli‐oui̱ne o nè; a oussou té‐a ho ouo̱‐o bou zè nara, k’a to nè oui̱ne mo nou‐ouane kè Nzapa ho ouo̱‐o.

Kè Jésus hè to oui̱ne d‐è sa, n’a b’a di li‐zane mè, ndo ouo̱ joko n’a o n’a chi nè hi, nè liè‐kolo houssou ouara té‐a, ndo ouo̱ joko mbé a o da bo go.

Ndo ouo̱ mono nè, ko ouo̱ pi̱ nè mo, ko ouo̱ joko nè di li‐zane mè, n’a chi nè hi, ndo oui‐ouili o litou pa ouo̱‐o, kè toulou to ouo̱‐o nè bou, ndo ouo̱ to oui̱ne ho ouo̱‐o, ègui̱: O oui‐ouili Galiléen o, nè gui̱ h’ènè yolo nè, k’ènè joko nè mo di li‐zane mè o gui̱ndi? Nè Jésus n’a b’a nè bo̱’nè‐o di li‐zane mè hi, nomo n’a tè pi̱li nè da nè pome tan, hèmo n’ènè joko n’a o n’a chi nè di li‐zane mè higo.