Popular Bible Verses from လုကာ 17

Share

ဘုန်မယ်ဆိန့် မွန်ပရာယိုးပရာ သရိုက်ဒေါ် ဆွားကာ နာတာယူးတာနာ မာထောင်မိုင်းကေး နူးလော့နာတာ ဆားတဟယ်ဟုန်းနူလော်။

တနုန်အကူးမွက်မာကမှာဘာနာ နွိုက်ဘလယ်ဒေါ် ကဇိန်ဘာ့ဘလယ်ဒုန်း နအော်နွိုက်ဘလယ်နူဒေါ် ခေးသိုက်ငှားလောင်ဇိန်ခေးနဲဟုန်း မွက်နဲကနူဒေါ် နဘာဘလိုင်လွတ်ဝေနူ​လော်” အဆိန့်လောင်မွန်းကနူလော်။

ပရာတာဆား ထမိုင်းတဟယ်နူအကား တပရာတာနူအသိုက်ငှားဒုန်း အတာဆားထမိုင်းအခိန်နူ သာနောက်သဆူးဒေါ် သားပုန်းကာ့ကရီးကလိုက်ဒေါ် ထော်ထောင်ဟော့ဘွေဘူးယောင်းဘုန်ဇိန်မူးနူလော်။ ပရာနူ တပရာနူ လေမွန်ဒုန်းဘွေ အကဓိန်းကဒီ ဒေါ်ငေါ့လောင်ကောကော့ဒေါ် သဘားထောင် မွန်းနူလော် ပရာယိုးပရာမယ် ရှမာရိပရာနူလော်။

သူးတဟယ်နူ အော်သနဲဟော့သူးနဲကာ။ နပွန်းဝေးနူမွက်မာကမာနာနူဒေါ် သွတ်ပေါင်အော်ကာ။ အဝေမွက်သိုက်ငှားလောင်ဇိန်အနဲနူဒေါ် ဘလိုင်လွတ်ဆော့ဝေကာ။

ဘွေယေရှုလွိုက်မွန်း ပရာအပရာ တဆူးလော် ဇာ့ထောင် မိုင်းလော့ကိုးဧါ အော်တောင့်သခွေ့ တူးလောမာလော။

ဘွေယေရှုနဲမွန်း “ပရာတာယူးတာတနာအော် ရှုပ်သာအူးခါဖလုံနူ အကာစွီထောင်ဖလောက်ခလုန်မုန်းတူးဒုန်းအခရိဘုန်လူးဇိန်ဒုန်း ဆူးဒူကွီးနူ ကဖင်ခလုန်မုန်း ငေါ့ကငှားမယ် ခလုန်နူအကာနာဓိန်းနူလော်။

ပရာဒုန်းအာရကိတ်ဟော့ အသာ့နူ ကဘာလားကေးတာဖိတ်ဒူနဲနူကူးလောလော်။ နဲမယ်ပရာဒုန်း အလန်းလောင်အသာ့သမူးဒုန်းဘွေနဲခူးတဟယ်နူ တာကမာကွားအသာ့သမူး နူလော်။

ဘုန်ဒေါ် ဘွေယေရှုမှာလောမှာလောင်ခီးပရာတဟယ်နူဒုန်း “တာဒုန်းအမွက်တာရီဒုန်းအကဖီးထောင် တာကမာကလဲနူကအော်နူလော်။ နဲမယ် ပရာဒုန်းအမာဖီးထောင် တာတဟယ်ယိုးနူပရာနူ အကဘာတာပေါင်းတာဆားနူလော်။ တရွန်းသူးမာဘာပရာအရှင်ယိုးနူဒေါ် သူးလိုင်ကလုန် လုန်းဒုန်း သူးကာကလီးလော်ဘုန် ဘာတာလားလောင်ဒုန်းဆူးဒူကားနူမယ် ကမွက်တာအရောက်ဒုန်း အနဲခူးနူလော်။

မကိုက်တာမာနဲဒုန်း နောဧဇု့ခိန်နူ ပရာဖော့ခူးကဇိန်လောင်မုန်းနုန်တူးလေအခိန်နူ တာကမာနဲမကိုက်” ကနူလော်။ နောဧ တူးလေနူးဒုန်းကဘောကူးခိန်နူမယ် အဝေသူးတဟယ်နူ မာတာအယ်တာအွန်းဒေါ် တာဖိတ်စဓိန်းဒေါ်ဆူးဒူဘု့တာဘုန် တာဒုန်းအအော်ဟယ်ခူတဘာကူးတဟယ်နူကလောင်ပရူးလောမူးနူလော်။