Popular Bible Verses from I Kô-rinh-tô 15

Share

Bei nei, ơi oh bi êch srlanh hei ri, phrui jap juôn, khơơm pndrơm, phrui lơh kaar Brah ndroong ngroh ngri, đươm gưt laah baak kro oh bi ri knông Brah 'bưn geh laa 'bưn preh laang.

Dôh or Brah Ưn ja ươn bơl bơn baak jn'ah chkhôm Brah bơl bơn laa Brah Jê-sus Krist.

Oh bi njrang bu lhiat: “Gnasaal ap lơh khuich chưt kmlơt klanh.”

Dôh chkhôm brêêng smlaang Brah Ưn ri baah hei kươt bei nar au, u brêêng smlaang Pang ri ươn hei 'bưn geh laa 'bưn preh. Mat baah kươi, hei lơh kaar ơk huôih leq sêch bơl bnih nday; dôh ơơn geh hei baah laa brêêng smlaang Brah Ưn ri gôq n'hai hei.

“Ơi baak chhưt, baak jn'ah may ri a êch? Ơi baak chhưt, gneng khih may ri a êch?” Gneng khih baak chhưt ri laa dôih 'baap, kmlang dôih 'baap ri lah ch'bap.

Au, hei tơrsau aan oh bi di baak chmlih chmleek: Bơl bơn a kươi 'bưn bêch laang, dôh leq sêch a kươi kươt pơrgơl knông rbôông, knông 'bleh mat, teq u plah baak kmbuôt ptut. Đươm kmbuôt a kươi khôm, bnih chhưt a kươi rêh kươi, 'bưn geh luôch lêêk hôm, n'hai bơl bơn a kươi kươt pơrgơl.

Đươm bei mbu bnih baah geh baak chhưt nei kot chkhôm mbu bnih baah geh baak rêh kươi a ktôk chhưt. Bei knông A-đam, jôm bnih kot chhưt; Kot bei nei, knông Yaang Krist, jôm bnih kot a kươi rêh kươi.

Đươm pêêk pai rnđơơih luôch lêêk au phrui dook pơih pêêk pai 'bưn rnđơơih luôch lêêk; pêêk pai rnđơơih chhưt au phrui dook pơih pêêk pai 'bưn rnđơơih chhưt.

Đươm Pang phrui kan ttih, aan tơt khal Brah Ưn “dơih jôm kmang a teh jơng Pang.” Bơl kmang ptut dol kluôch laa baak chhưt.