Popular Bible Verses from Vagaratiya 3

Share

Kristusa ga tu zowora mo mefingiliro eli azi reta Veta, pokutuzira mo mefingiliro mwene. Yeeyi kwa tjanga asi, “Nkenye ogu ava zenzereke kositji, kwa mu fingilira.”

Patupu malitondororo hena asi ogu Mujuda, ogu Mugereka, ndi asi ogu mupika, ogu ga manguruka, ndi asi ogu mugara ogu mukadi. Yeeyi one namuvenye kwa kara gumwe tupu mwaJesus Kristusa.

Nsene asi kwaKristusa mwa hama, nyone nye honde zaAbirahamu, novapingi mokuliza nomatumbwidiro gaKarunga.

Kristusa kwa yi ruganena eyi, asi etungiko eli ga tumbwidira Karunga Abirahamu, ngava li gwane hena vapagani morwaJesus Kristusa, ano nose makura ngatu gwanene mo mepuro Mpepo ezi ga tu tumbwidira Karunga.

Eyi ya zera asi, kutupu ogu ga hungama kwaKarunga morwaVeta, yeeyi matjangwa kutanta asi, “Muntu ogu ali hungameke epuro kosipara saKarunga, yige a kara nomwenyo.”