Popular Bible Verses from 1 Timoteusa 3

Share

Eyi kapisi yokupatana muntu, asi yihorekwa youkwakarunga yinene. Age kwa horoka morupe romuntu, yiyo va mu hungamekesesa koMpepo, ga monekere kovaengeli, tava mu udisire kovapagani, yiyo va mu pura womouzuni, makura yiyo va mu zerwira mouyerere.

Mupitisili gombungakriste a pire epuko, age a kare nomukadi gumwe tupu, a kare mukuruki, ga kwata mutjima, a kare nononkedi donongwa. Age hena kupakera mbili vagenda, age ga diva kuronga.

A kare mugara ga diva kugendesa nawa embo lyendi, ogu a tekura vana vendi monkedi zongwa zekuruko.

Nkenye mukwafi gombungakriste a kare nomukadi gumwe tupu. Awo hena ava gendese nawa mambo gawo noruvharo rwawo. Ava ava rugana nawa, kugwanena mo efumano nemanguruko lyenene mokuuyunga yepuro eli va kara nalyo mwaJesus Kristusa.