Popular Bible Verses from اوّلِ پِترُس 1

Share

حمد-و-ثنا دَ خُدا و آتِه مَولای مو عیسیٰ مسیح که دَ وسِیلِه رَحمتِ بُزُرگ خُو از طرِیقِ دُوباره زِنده کدونِ عیسیٰ مسیح از مُرده ها، مو ره از نَو تَوَلُد کد، بَلدِه یگ اُمِیدِ زِنده و بَلدِه میراثی که نَه از بَین موره و نَه خراب مُوشه و نَه پژمُرده، بَلکِه دَ عالمِ باله بَلدِه شُمو نِگاه شُده.

دَ امزی باره غَدر خوش بَشِید، حتیٰ اگه آلی بَلدِه یگ زمانِ کم لازِم شُده که شُمو دَ وسِیلِه آزمایشای رقم رقم غَمگی-و-پَریشان شُنِید تا اَصل بُودونِ ایمان شُمو که از طِلّای از بَین رفتَنی کده -- که دَ وسِیلِه آتِش آزمایش شُده -- بااَرزِشتَر اَسته، دَ وختِ ظهُورِ عیسیٰ مسیح باعِثِ تعرِیف و اِفتخار و اِحترام شُمو شُنه.

بَلکِه رقمِ امزُو مُقَدَّس که شُمو ره کُوی کده، شُمو ام دَ تمامِ رفتار خُو پاک-و-مُقَدَّس بَشِید. چُون نوِشته شُده: ”مُقَدَّس بَشِید، چراکه ما مُقَدَّس اَستُم.“

رقمِ بچکِیچای بااِطاعَت بَشِید و زِندگی خُو ره قد خاهِشاتِ نَفسانی دَورِه جِهالت خُو شکل نَدِید،

پس فِکر خُو ره دَ کار بِندَزِید و هُوشیار بَشِید؛ تمامِ اُمِید خُو ره دَ فَیضی بسته کُنِید که عیسیٰ مسیح دَ وختِ ظهُور خُو بَلدِه شُمو میره.

چُون نوِشته شُده: ”تمامِ اِنسان ها رقمِ عَلَف اَسته و تمامِ شان-و-شَوکتِ ازوا مِثلِ گُلِ عَلَف. عَلَف پژمُرده مُوشه و گُل شی مِیریزه، لیکِن کلامِ خُدا تا اَبَد باقی مُومَنه.“ و اِی امُو کلام اَسته که دَ عِنوانِ خوشخبری بَلدِه شُمو اِعلان شُد.