Popular Bible Verses from Sito 1

Share

mawmu tu redekay mu kana Vangesar Lu'em mu, katemuy mu za kezang, kaazu i Yērusalem, Yodaya zi i Samaliya na pinidare'an ziya, arusay za patarisesek, uwasay kaninku.>>

marengay i Yēsu kanazu: <<izu na tuki zi na wari mu maw i Amalri pakalrang kanantu pinitrepa na kezang kemuret i intaw, amelri i inmu na kalralrazam.

a mukasa nazu mu, temuru kanazu i intaw: <<iuwaveruk i Yērusalem, iturusi ku nirengay kanmu, ngangara kani Amalri tu iyatuvang. semuwap za zanum i Yohanē, mawmu kiyasuwap mu kana Vangesar Lu'em nu daman kana wari.>>

kipakakuwatreng i likuzan kana makapetelr wari, kurepana'u lra kanazu za parepidan i intaw, manay kana marekamelrimelri na kudayan uwasay kantaw za maw vaaw i intaw, zi venavati ziya kanazu za lremak kana kanatal na Viruwa i itras.

piya lra marengay kanini na ngay mu, i Yēsu kazu za tremeketrek menana'u nazu mukituluz muitras; ulra a saya kutrem melingez lra kanantu iyana'u nazu.

a kirewaday i intaw mu, penauwa za menana'u piyaitras nazu. maherareher za, ulra a zazuwa mikavang za vulretri' matikezir kanazu i trapingiran, marengay: <<na Galili na trau a, kemuda zi kazu i kani piyaitras mena'u awa? ini na kiruwaday kanmu, na mukituluz muitras i Yēsu, nu mena'u mu kantaw za kemudakuda muitras mu, kuwaazu mareveliyas zuwa i intaw.>>