Popular Bible Verses from دوّمین نامَه قرنتیانی کلیسا را 4

Share

بَس اَ چی که بَبی ویندِه نِدییَسَم، بَلکَم اَ چیی که نییَب ویندِه ذول ژَنَم، چوم ویندَنییَه چیین زو دَوییَرِن، امّا چیی اِنی که نییَب ویندِه اَبَدی اینه.

بَس نا اُمید نِبییَم. هَر چَن چَمَه ظاهر کارا از بِین بَشی، چَمَه باطن روز‌ بَه‌ روز تازَه تَر آبو. چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

اَمَه هَر طَرفی نَه سختی کا ایمونه، امّا خورد آبَه نیمونه؛ سَرگردونیمونه، امّا نا اُمید نیمونَه؛ اَذیت آزار بَبیمون، امّا اَمَه وِل آکَردَه نیشَه؛ زمینی سَر بَلَکَه ایمونَه، امّا کَم وَردَه نیمونه.

امّا اِم گنجینه، سُفالی یَه خُمرَه دیلَه کا هستِمونَه، تا معلوم بِبو که اِم بَرکَ قدرت خِدا کایَه نِه اَمَه کا.

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.