Popular Bible Verses from اوّل 3

Share

مَگم نیمَزنه که شِمَه خِدا مَعبدیرونه و خِدا روح شِمَه دیلَه کا مَندَه؟

چوم هیچ‌کس نیمَشا اَ پاکاری غِیراز که نوعَه بییَه، یعنی عیسایِ مسیح، ایلَه دییَر پاکاری بِنَه.

بَس نِه اَ کسی که بَکاشتی چیی یَه و نِه اَ کسی که آو بَدای، بَلکَم فقط خِدا یَه که اَیی سَوز آکَرِه.

چوم که اَمَه خِدا همکارونیمونه. شِمَه خِدا کِشت و کارَه زمین و خِدا عِمارتی رونه.

هَر کسی کار آشکار بَبی، چوم که اَ ’روز‘ گِردِ چییون بَرمَلا بَکَردی. چوم آتش کاری نتیجه معلوم بَکَردی، و آتش هر جورَه کاری که آدَمِن بِکَرِن آزمایش بَکَردی.

اَ کسی که بَکاشتی و اَ کسی که آو بَدای، هر دِ نفر ایلَه اینه و هَر کَمیله، اَ زحمتی اَندازه که کَشِن، مُزد ویگِرِن.

هیچکس اِشتَن گول مَژَنِه. اَگم شِمَه دیلَه کا اینفر خَیال بِکَرِه اِم دورَه زمانه کا حَکیمَ آدَمَه، بِدا که نادون بِبو تا شاید حکیم بِبو.