Popular Bible Verses from انجیل لوقا 3

Share

همان تعمید کَتنه پَش، عیسی نی تعمید بِکَت و دُعاش کردَردِه، که آسمان آبه و خدا مقدسه روح، کوتَر شوآر چَه سر نازل آبِه، آسماننَه سَسی بامه: «تِه چِمن عزیزه زایش، از تک پِر راضیم.»

یحیی چَوان همان جوابِش ایزِه بِدا: «اَز شاما اُونه تعمید دَیم، امّا کسی آمییر که مَنک قویتره، که اَز لیاقت نِدارم چَه پاقابان بَنده آکَرم. اَ شاما خدا مقدسه روح و آتش نه تعمید دَیه.

اِشتن نه مواجا که: ”چاما جَد ابراهیم پیغمبره.“ شامانه واجِم که، خدا قادره اِم سِنگانک ابراهیمه را نسلی به وجوده بوعره. پس توبه بِکراه و اَعمالی انجام بِدَیا که آمانه توبه ران کَرده.

حتی اِسا نی تیشه، داران بِنَه بِنجِقِک نیَه بییه. هر داری که چاکه میوه آمَدَیه، بِرنده و آتش دِلَک دِرَنِنِدِه.»

اَجوره که اِشعیای پیغمبر کتابِک نیویشته بییه: «مردکی بیابانِک جِرنَه واتَر، ”خداوند راه، چَوِه را آماده بِکَراه! چَوه راه‌هان هَموار بکرا! همه‌ی دَرَه‌ فِت آبینده و همه‌ی کوهه و تپه‌ هموار آبینده؛ شَت راه، دوز آبیینده، و چاله چوله راهه، هموار آبینده. اَدمی همه‌ی مردم، خدا نجاته وینندِه.“‌»