Popular Bible Verses from اعمال 16

Share

اوللار جواب وئردیلر: «رَب عیسایا ایمان گتیر و نجات توتارانگ. سن و اوبانگ آدامی.»

تقریبا گئجه یاری ایدی کی پولُس و سیلاس دُعا ائدیرلَردی و تارئ‌‌یا حمد و ثنا ییری ییرله‌ییرلَردی. زندانی‌لار اوللار سَسینه قولاق آسیرلاردی کی بیردن بیر بویوک زلزله گلدی، ائله کی زندانینگ پی‌یی تیترَدی و ائله او آن واری دَرلَر آچیلدیلار و واری زندانی‌لارینگ زَنجیر‌لَری آچیلدی تؤکولدو.

اوندا اوللاری گتیردی یازّیا و خبر آلدی: «آقالار، نه ایش گؤره‌سیم تا نجات توتام؟»

وختی کی زندان‌بان اویاندی و گؤردو کی زندانینگ درلَری آچیق دور، قیلیجینی چَکدی تا اؤزونو اؤلدوره، بو سَبریه کی گمان ائدیردی زندانی‌لَر قَچمیشلر. آما پولُس اوجا سَس‌اینن چاغیردی دئدی: «اؤز باشینگا قَضّا سالما، چونکی بیزیم واریمیز ائله بوردایاک!»