Popular Bible Verses from نامَه اوّل قُرِنتِنیا 13

Share

محبت صبور و مهربوئِه؛ محبت حسودی یا فخر فروشی ناکو و مغرور نی. محبت بی تربیت و خودخواه نی؛ محبت جِخُو تَریخ نابِه یا کینَه اُ دل ناگِرِ؛

محبت مَچیا تحمل اَکو، مَچیا باور اَکو، تِی مَچی امید اُشَه و تِی مَچی طاکَت اَدارِ.

محبت از بَدی خارام آنابِه، بلکه خاد حکیکت خارامی اَکو.

پَ اَلَه، اِ سه‌تا چی اَدَمانِه: ایمون، امید و محبت. ولی گاتتَه‌شو محبتِه.

محبت هِسوَخت تَموم نابِه. نبوّتیا از بین اَچِه، حرف زادَ وَ زابُنِی دِگَه تَموم اَبِه و آگاهی از بین اَچِه.

اَگَه وَ زابُنِی آدامیزاد و فرشتَه‌یّا حرف بِزنام، ولی محبت اُمنِبِه، یَک سِنج پُر سر و صدا یا یَک طبلی هام که تِکُش خالیه.

اَگَه کُدرت نبوّت کِردَ اُمبِه و هَمَهِ سِرّیا و هَمَهِ آگاهِنیا اُمبِه، و اَگَه ایمون کامل اُمبِه، طوری که کاوِیَه‌وا جا وَ جا بِکنام، ولی محبت اُمنِبِه، هیچام.

اَگَه هر چی که اُمَ، هاتام و اَگَه بَدن خوم تسلیم بِکنام تا تِی تَش بِسُخِه، ولی محبت اُمنِبِه، هیچ فایدَه‌ای اَسِی ما اُشنی.

مِ موکَوا که بَچی هادام، چُنِ یَک بَچی حرف مَزاد، چُنِ یَک بَچی فکر مَکِه و چُنِ یَک بَچی مَفَهمی. وَختی مرد بُدام، رفتارِی بَچگونَه‌ئا مُ لَرد نَه.