Popular Bible Verses from انجیلِ یوحنا 6

Share

عیسی وِشُو گُت: «نُونی کِه حیات مِی‌ئَه مِه‌نِم. هَر کَه بیا وِ تِه مِه، هرگز گُسنَه نِموئَه، وَ هَر کَه وِ مِه ایمُو بیارَه هرگز تِشنَه نِموئَه.

روحِ خدا اَ کِه حیات مِی‌ئَه؛ جسم فایده‌ای نارَه. قِصَه‌یائی کِه مِه وِتُو گُتِم، روح وَ حیات اَ.

کار بَکیت، اما نَه سی خوراکی کِه دِ بین مِی‌رَه، بَلکم سی خوراکی کِه تا حیاتِ ابدی باقی می‌مُونَه، هِه او خوراکی کِه کُرِ انسان وِ شِما مِی‌ئَه. سی یَکِه خدای بُوَه وِ او مُهرِ تأیید زِئَه.»

سی یَکِه اِرادَه بُوَه مِه یِنَه‌آ کِه هَر کَه وِ کُر سِیل بَکَه وَ وِش ایمُو بیارَه، حیاتِ ابدی نِه دارَه، وَ مِه دِ روزِ قیامت او نِه زِنَه می‌کِم.»

عیسی دِ جُئُو گُت: «کاری کِه پِسَنِ خدا اَ، وِنَه‌آ کِه وِ وَه کِه او کِل کِردَه ایمُو بیاریت.»

گِردِ او چیئی کِه بُوَه وِ مِه مِی‌ئَه، می‌آیَه وِ تِه مِه؛ وَ هَر کَه بیا وِ تِه مِه، او نِه هرگز دِ خُوم دیر نِمی‌کِم.

شَمعونِ پِطرُس جُئُو دَه: «اِ آقا، وِ تِه کی رُوئیم؟ قِصَه‌یا حیاتِ ابدی، ها وِ تِه تو.

مِه‌نِم او نُونی کِه حیات مِی‌ئَه، نُونی کِه دِ آسمُو اُوما وِ هار. هَر کَه دِ ایی نُو بُحُورَه، تا ابد زِنَه می‌مُونَه. نُونی کِه مِه سی حیاتِ دنیا مِی‌ئِم، بدنِ مِه‌نَه.»

هیشکَه نَتُونَه بیا وِ تِه مِه، مَر یَکه بُوِه‌ای کِه مِه نِه کِل کِردَه او نِه بَکَشَه والا مِه، وَ مِه دِ روزِ قیامت او نِه زِنَه می‌کِم.

سی یَکِه نُونِ خدا هِه وَه‌آ کِه دِ آسمُو اُومایَه وِ هار، وَ وِ دنیا حیات مِی‌ئَه»

مِه نُونی اِم کِه حیات مِی‌ئَه

اوسِه عیسی نُونیا نِه گِرِت، وَ دِما شکرکِردِه، بَر کِرد مینِ وِنُو کِه نِشِسینی، وَ ماهی‌یا نِه هَم، وِ قَدی کِه حاسِن. هِه کِه سیر بییِن، وِ شاگردیا گُت: «حیردَه نُونیا باقی‌مَنَه نِه جمع بَکیت تا چیئی حیفِ‌مِیل نوئَه.»

هِه کِه وِ قَدِ یِه فَرسَخ دِ حُشکی دیر بییِن، عیسی نِه دیئِن کِه وِ ری اُو رَه مِی‌رَه، وَ وِ قایق نِزیک موئَه. گِردِشُو زَرتِلاق بییِن. اما عیسی وِشُو گُت: «مِه‌نِم؛ زَرتِلاق نوئیت.»