Popular Bible Verses from Psalms 34

Share

ဘုရားရှင်သည် စိတ်နှလုံးကျိုးပဲ့သောသူတို့နှင့် နီးစပ်တော်မူ၍ စိတ်နှလုံးကြေမွသောသူတို့ကို ကယ်တင်တော်မူ၏

အကျွန်ုပ်သည် ဘုရားရှင်အားရှာသောအခါ ကိုယ်တော်သည် အကျွန်ုပ်အားထူးတော်မူလျက် အကျွန်ုပ်ကြောက်လန့်သော အမှုအားလုံးတို့မှ အကျွန်ုပ်အား ကယ်တင်တော်မူ၏။

ဖြောင့်မတ်သောသူသည် ဒုက္ခများစွာခံရသော်လည်း ထိုဒုက္ခများအားလုံးထဲမှ ဘုရားရှင်သည် သူ့အား ကယ်တင်တော်မူ၏။

ဘုရားရှင်သည် မည်မျှကောင်းမြတ်တော်မူသည်ကို သင်ကိုယ်တိုင် စူးစမ်း၍ကြည့်ရှုလော့။ ကိုယ်တော်ထံတွင် ခိုလှုံသောသူသည် မင်္ဂလာရှိပေ၏။

ကိုယ်တော်အား မျှော်ကြည့်ကြသူတို့သည် ဝမ်းမြောက်ကြရ၍ မည်သည့်အခါတွင်မျှ မျက်နှာပျက်ကြရလိမ့်မည်မဟုတ်

ဖြောင့်မတ်သောသူတို့ အော်ဟစ်တောင်းလျှောက်ကြသောအခါ ဘုရားရှင်သည် နားထောင်တော်မူ၍ သူတို့၏ဆင်းရဲဒုက္ခအပေါင်းတို့မှ သူတို့အား ကယ်တင်တော်မူ၏။

ဘုရားရှင်အား ကြောက်ရွံ့ရိုသေကြသူတို့အား ကိုယ်တော်၏နတ်ဒေဝါတို့သည် စောင့်ကြပ်ကြည့်ရှု၍ ဘေးအန္တရာယ်မှ ကယ်တင်တော်မူ၏။

မကောင်းမှုမှဖယ်ခွာ၍ ကောင်းသောအမှုကိုပြုလော့။ ငြိမ်းချမ်းမှုကိုရှာဖွေ၍ ထိုငြိမ်းချမ်းမှုအား လက်ကိုင်ထားကြလော့။

မိမိ၏လျှာအား မကောင်းမှုမှလည်းကောင်း၊ မိမိ၏နှုတ်ခမ်းအား လိမ်လည်လှည့်ဖြားပြောဆိုခြင်းမှလည်းကောင်း ကင်းဝေးစေရန် စောင့်စည်းကြလော့။

ဘုရားရှင်၏ မျက်စိတော်သည် ဖြောင့်မတ်သောသူတို့ကို ကြည့်ရှုတော်မူ၍ ကိုယ်တော်၏နားတော်သည် သူတို့၏ အော်ဟစ်တောင်းလျှောက်သံကို နားထောင်တော်မူ၏။

ဘုရားရှင်သည် ကြီးမြတ်တော်မူကြောင်းကို အကျွန်ုပ်နှင့်အတူ ဖော်ပြကြလော့။ ကိုယ်တော်၏နာမတော်ကို အတူတကွ ချီးမြှောက်ကြစို့။