Popular Bible Verses from GALATIANUN 2

Share

Neweeje‐suhsuhgahkwahoomah Christ: pooch nebemahdiz; kahween ahnahwe neen, owh atuh Christ bemahdeze peenjenuh emuh neyowing: ewh dush bemahdezewin noongoom azhebemahdezeyaun emuh weyausemaung, nebemahdiz oonje oodabwayanduhmoowin enewh Oogwissun owh Kesha‐Muhnedoo, kahsahgeïd, kuhya kahpuggenedezood neen oonje.

Kahween nebuhnahjetooseen ooshahwanjegawin Kesha‐Muhnedoo: kishpin muh quuhyuk‐ezhewabezeëgoozewin oonjeemahguk emuh tebahkoonegawining, me dush ahneshah kenebood owh Christ.

Kenuhwind Jew‐enahdezewining kahezhenegeyung, kuhya ahyahwesewung maje‐ezhewabezejig mayuggezejig. Kekanduhmung owh enene oonje‐quuhyuk‐ezhewabezeähsewind enewh tebahkoonegawine ahnookeewinun, oonje atuh oodabwayanduhmoowin Jesus Christ, kenuhwind egoo kegedabwayanemahnaun Jesus Christ cheöonje-quuhyuk‐ezhewabezeëgoozeyung ewh oonje dabwayanemung owh Christ, kahween oonje tebahkoonegawine‐ahnookeewinun: enewh muh tebahkoonegawine ahnookeewinun kahween ahweyah wahyausewid tahoonje‐quuhyuk‐ezhewabezeähse.