Popular Bible Verses from EXODUS 5

Share

Bahmah dush Moses kuhya Aaron kepeendegawug, oo‐oo dush keëezheweenduhmuhwahwaud Pharaohun, Me oo‐oo akedood Jehovah oo‐Kesha‐Muhnedoomun owh Israel, puhgedin nindahneshenahbamug chemahjahwaud, cheähnuhmeä-wekoongawaud dush anahsuhmeyaun emah puhgwuduhkummig.

Puhuhkooëzhahyaun emah uhyaud owh Pharaoh, chekedooyaun emah kedezhenekahzoowining, oomuhjedooduhwaun oonoo ahneshenahban; kah dush egoo kuhya kuhnuhga kegebemahjeähseeg kedahnishenahbamug.

Moses dush nayaub oogeëzhahnun Jehovahun, oo‐oo dush keënaud, Tabaningayun, wagoonan suh wanjekooduhgeüdwah oogoo ahneshenahbag? wagoonan kahoonjeühnoonzheyun?

Oo‐oo dush keëkedoo Pharaoh, Ahwanan owh Jehovah, kanuhittuhwugebun chepuhgedenug Israel chemahjaud? kahween ningekanemahse owh Jehovah, kahween kuhya ningahpuhgedenahse Israel chemahjaud.

Menik dush wazheähwahpueen misquuseneen kuhyet, kegahnunduhwanduhmuhwahwaug; kahween keguhpuhgedenuhmuhwahsewaug nuhwuj punge cheöozheähwaud: ketemishkewug mah; medush wanjepepahgewaud, oo‐oo ekedoowaud, Puhgedeneshenaum chemahjahyaung, chesahsahgewenungid dush nin‐Kesha‐Muhnedoomenaun. Mahnoo nuhwuj nebewuh tuhuhnookeähwug egewh enenewug, chemekinduhmoowaud dush ewh anuhnookewaud; kagoo dush ween ooguhbuhbahmandunsenahwah kuhgebahje-kezhwawin.