Popular Bible Verses from Apocalipse 20

Share

Idânârâ mârâ Aunloenlâ Deus Agâ Ini Modo Ezedy awo wâgâ tâzekenry modo nadameomo tâdâsenagazedoram. Aunloenlâ ise akaemo, mârâ âji donroem awylymo, peto onwaym. Tâjiguely xypyrylâ ise xirâ, peto onwanji tâdâsenagazedoem tadameoho. Deus eynynonro modo, eynynâbaom modo agâpa iepygueduo, tâjiguely peba, tâdâzepyâdyly peba warâ ise; typygueba mawânkâ ise Deus eynynonro modo eagâ awyly. Eynynâbaom modo aunloenlâ ise âji tâdâsenagazedodâ awylymo.

Idânârâ kurâdo iguewâtyby modo sedâ, âdy modo, âdy keba modo alelâ. Tâpagune keankâ Deus enado awylymo. Idânârâ aitomobyry iwenihobyry pape modo nadapilugueowâdâ. Ilâpygueduo eagonro pape adapilugueoly, Aunloenlâ Deus Agâ Ini Modo Ezedy awo. Mârâ pape wâgâ iwenihobyry ara keankâ akaemo iguewâtyby modo aguehonly. Deus izepa ato aienibyry modo, inakanhe adâitobyry aralâ nhemakely. Jesus einwânnipyry modo koendonro emakerim.

Târâlâ keankâ idânârâ kurâdo iguewâtyby modo, parutabâ ikaji sameyby modo, onro anaym epyâdyby modo warâ. Aitomobyry ara keankâ idânârâ aieholymo. Idânârâ mârâ Aunloenlâ Deus Agâ Ini Modo Ezedy awo wâgâ tâzekenry modo nadameomo tâdâsenagazedoram. Aunloenlâ ise akaemo, mârâ âji donroem awylymo, peto onwaym. Tâjiguely xypyrylâ ise xirâ, peto onwanji tâdâsenagazedoem tadameoho. Deus eynynonro modo, eynynâbaom modo agâpa iepygueduo, tâjiguely peba, tâdâzepyâdyly peba warâ ise; typygueba mawânkâ ise Deus eynynonro modo eagâ awyly. Eynynâbaom modo aunloenlâ ise âji tâdâsenagazedodâ awylymo.

Aituo keankâ mure imâsedo tapekeim kâendyly, mâkâ kurâdo âdaiedyly awyly wâgâ agueim xurery. Deus târâ ekadybyem kâendyly warâ. Onro, kau warâ nuzadâ; tâentonzeba keankâ.

Mil anu âwanikeduo ise Satanás etaguely mârâ etadâdobyry odaypa. Onro anano modo enokuze ise egasely. Satanás idâtyguyzemo, âseguebyhomoem Deus agâ, eynynonro modo agâ warâ. Gogue donro modo, Magogue donro modo warâ keankâ akaemo Deus agâ âseguebyim modo. Aguiom keankâ akaemo. Sagunu paru emelano sapâguehoem nuduwâpyra, arâ lâpylâ ise sapâguehomoem nudupa awyly, toenzepa awylymogue.