Popular Bible Verses from ዛረዋ 8

Share

ሽን ኔን መና ጎዳ ነ ጾሳ ሀሳያ፤ አያዉ ጎፐ፥ ሀች ኔን በእያዋዳን፥ ነ ማይዛ አዎቱዋና ጫቀቴዳ ጫቁዋ ምንናዉ፥ ኔን ዱረታ ደማናዳን ነዉ ዎልቃ እሜዳዌ አቴ።

እ ኔና ዝቂ ኦዳነ ኮሻይሴዳ፤ ሄዋፐ ስሚደ ኔና ግድና፥ ዎይ ነ ማይዛ አዎቱዋ ግድናካ፥ ኤረና ማና ኔና ምዜዳ። ሄዋ እ ኦዳዌ አሳይ መና ጎዳይ ሃሳይያ ቃላ ኡባናፐ አትና፥ ኡክ ጻላላን ደኤናዋ ኔና ታማርሳናሳ።

መና ጎዳይ ነ ጾሳይ ነዉ እሜዳ አዛዙዋ ነ ናግንቶ ናገነንቶ፥ ነ ዎዛና ቆፋ ኤራናዉ፥ ኔና ፓጫናዉነ ኔና ዝቂ ኦናዉ፥ ኦይታሙ ላይ ኩመን እ ኔና ባዙዋን ካለዳ ኦገ ኡባ ሀሳያ።

ኔን፥ ‘ታ ዎልቃይነ ታ ኩሽያ ምኖተይ ሀ ዱረተ ታዉ አሄዳ’ ጌናዳን ናገታ።

“ታን ሀች ኔና አዛዝያ አ አዛዞቱዋ፥ አ ህገቱዋነ አ አዋዮቱዋ ናገናን አጋደ፥ መና ጎዳ ነ ጾሳ ዶገናዳን፥ ናገታ።

ያቶፐ፥ አሳይ ባረ ናኣ ሴርያዋዳን፥ መና ጎዳይ ነ ጾሳይካ ኔና ሴርያዋ ነ ዎዛናን አኬካ።

ኔን ሄዋን ማደ ካላና፤ ያታደ፥ እ ነዉ እሜዳ ሎኦ ቢታ ድራዉ፥ መና ጎዳ ነ ጾሳ ጋላታና።

“አ ኦግያን ሀመትያዋንነ አ ቦንችያዋን መና ጎዳ ነ ጾሳ አዛዞቱዋ ናጋ።

ነ ማይዛ አዎቱ ኤረና ማና መላ ቢታን ኔና ምዜዳዌ፥ ኔና ዝቂ ኡዳናሳነ ኔና ፓጫናሳ፤ እ ሄዋ ኦዳዌ ዉርሰን ነዉ ኡባባይ ሎኦ ግዳናዳና።

ኔን ማደ ካልያ ዎደ፥ ሎኦ ጎልያ ኬጻደ አን ኡትያ ዎደ፥ ነ መህያነ ዶርሳ ዉዲ ዳርያ ዎደ፥ ነዉ ብራይነ ዎርቃይ ዳጋትያ ዎደ፥ ቃይ ነዉ ደኤዳባይ ኡባይ ዳርያ ዎደ፥ ሄ ዎደ ነ ዎዛናይ ኦቶረተናዳን፥ ኔንካ ግብጼ ጋድያፐ፥ አይለተ ጎልያፐ ኔና ዎዜዳ መና ጎዳ ነ ጾሳ ዶገናዳን ናገታ።

አያዉ ጎፐ፥ መና ጎዳይ ነ ጾሳይ ኔና ዛንጋራፐነ ደርያፐ ፑልትያ ቄር ሻፋቱነ ጎግያ ፑልቶቱ ደእያ ሎኦ ቢታ ገልሳናዉ አሄ። ሄ ቢታይ ዛርጋይነ ባንጋይ፥ ዎይኒ፥ ባላሲነ ሮማኒ፥ ዎጋራ ዛይቲነ ኤሳይ ኩሜዳ ቢታ። ቃይካ ሄ ቢታይ ኡክይ ፓጨናን ኔን ምያ ቢታ፤ አያይነ ነዉ ፓጨና ቢታ። ሄ ቢታይ ሹቻይ ብራታ ግዴዳ ቢታ። ደርያፐካ ማዳብያ ግያ ብራታ ቦኪደ አክያ ቢታ።

“ህንተ ደኡዋን ደአና ማላ፥ ህንተ ፓይዱካ ዳራና ማላነ መና ጎዳይ ካሰ ህንተ ማይዛ አዋቶ እማና ጊደ ጫቄዳ ቢታ ገሊደ፥ ህንተ ላታና ማላ፥ ሀች ታን ህንተና አዛዝያ አዛዙዋ ኡባ ምንሲደ ናግተ።

ሀ ኦይታሙ ላይቱዋ ግዶን ኔን ማዬዳ ማዩ ዉርቤና፤ ነ ገዲካ ጋፍቤና።

እ ኔና ማርዝያና ደእያ ሾሻይነ ማስማሱ ኩሜዳ፥ ሃይ ባይና፥ ሄ ግታነ ያሽያ መላ ቢታና ካለዳ፤ እ ነዉ መላ ባዙዋን ዛላፐ ሃ ሴዳ።