Popular Bible Verses from 2 कुरन्‍थियों 5

Share

कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है।

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

कैसेकै हम जो देखै हैं बाके हिसाब सै ना पर बिसवास के हिसाब सै जीवै हैं।

जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्‍नै के ताँई सेवा दई है। हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है।

इसताँई हम मसी के दूत हैं, और परमेसर हमरे दुआरा तुमकै समजाबै है। और हम मसी की ओर सै तुमसै बिनती करै हैं कै तुम परमेसर के संग मेल करौ।

मसी सिगरे लोगौ के ताँई मरो, कैसेकै जो जिन्‍दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्‍दो भओ। पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

कैसेकै मसी को पियार हमकै मजबूर कर देवै है, हम जौ समजै हैं कै जब एक आदमी सब लोगौ के ताँई मरै तौ सिगरे लोग बी मर गए।